جاڭا سالىق جانە بيۋجەت كودەكستەرى ازىرلەنەدى
«فيسكالدىق رەتتەۋدى قايتا جاڭعىرتۋ ماقساتىندا 2023-جىلى جاڭا سالىق كودەكسىنىڭ جوباسى ازىرلەنەدى. سالىقتىق اكىمشىلەندىرۋدى وڭايلاتۋعا جانە سيفرلاندىرۋعا ەرەكشە نازار اۋدارىلادى. سونداي-اق قازىرگى ۋاقىتتا 2030-جىلعا دەيىنگى سالىق ساياساتىنىڭ تۇجىرىمداماسىن ازىرلەۋ بويىنشا جۇمىس جۇرگىزىلىپ جاتقانىن اتاپ وتكىم كەلەدى»، - دەدى مينيستر.
ونىڭ اتاپ وتۋىنشە، پرەزيدەنت قويعان جاڭا مىندەتتەر بيۋجەتتىك جوسپارلاۋدى بيۋروكراتيادان ارىلتۋعا جانە بيۋجەتارالىق قاتىناستاردى جەتىلدىرۋگە بايلانىستى جۇمىستىڭ قيسىندا جالعاسى بولادى.
«سوندىقتان مەملەكەتتىك قارجىنى باسقارۋ تۇجىرىمداماسىنىڭ ەرەجەلەرىن جانە باسقا دا وزەكتى ماسەلەلەردى قامتيتىن جاڭا بيۋجەت كودەكسىن ازىرلەۋ ءتيىمدى جانە ۇنەمدى بيۋجەت ساياساتىن قامتاماسىز ەتۋگە جاڭا سەرپىن بەرەدى. جاڭا سالىق جانە بيۋجەت كودەكستەرىن ازىرلەۋ قوعاممەن بىرلەسىپ جانە ساراپشىلاردىڭ، بيزنەس-قوعامداستىق وكىلدەرىنىڭ قاتىسۋىمەن جۇرگىزىلەدى»، - دەدى الىبەك قۋانتىروۆ.
