مينيسترلىك ل ر ت قۇرىلىسىن اياقتاۋعا قارجى قايدان الىناتىنىن ءتۇسىندىردى
«قۇجاتتاماعا قاجەتتى بۇكىل ءىس-شارالار اياقتالعاننان كەيىن قارجى قاراستىرامىز. اقشا ۇكىمەت رەزەرۆىنەن بولىنبەيتىن شىعار. يندۋستريا جانە ينفراقۇرىلىمدىق دامۋ مينيسترلىگى بويىنشا بيۋدجەتتىك باعدارلامالار قايتادان بولىنەدى. ءتيىستى ترانسفەرتتەر قوسىلادى. مۇنىڭ ءبارى كەلەسى جىلى بيۋدجەتتى ناقتىلايتىن كەزدە بولادى. بارلىق قۇجاتتاما قاجەتتى پروتسەدۋرالاردان ءوتتى. ءبىرقاتار كورسەتكىش قايتا قارالدى. زاڭنامانىڭ بۇكىل تالابى ساقتالدى. قازىر پىسىقتالىپ جاتىر. ودان كەيىن قارجىلاندىرۋعا ەشقانداي كەدەرگى بولمايدى»، - دەدى ۆيتسە- مينيستر ب ا ق وكىلدەرىنىڭ LRT قۇرىلىسىنا قاتىستى ساۋالىنا وراي.
سونىمەن قاتار ول جۋرناليستەردىڭ «پرەزيدەنت جوبانى ودان ارى جالعاستىرۋعا ۆەتو قويماي ما؟» دەگەن ساۋالىنا دا جاۋاپ بەردى.
«پرەزيدەنت ءۇشىن جاۋاپ بەرىپ، شەشىم شىعارا المايمىز. دەگەنمەن، ماسەلەنىڭ جاي- جاپسارى ۇكىمەت ىشىندە جانە اكىممەن تولىق تالقىلاندى. بارلىق ماتەريال پرەزيدەنتكە ۇسىنىلدى. رەسمي حات الماسۋ بولدى. بارلىعى قالاي جۇزەگە اساتىنى پرەزيدەنتپەن كەلىسىلگەن»، - دەدى تاتيانا ساۆەليەۆا.
اۆتور مارلان جيەمباي
