قازاقستاندا قانداي كولىكتەر تىركەلمەيتىنى بەلگىلى بولدى

پرەزيدەنت قاسىم-جومارت توقايەۆ العاشقى تىركەۋ جانە ۋتيليزاتسياعا جىبەرۋ ءۇشىن تولەم قۇنى 200-250 مىڭ تەڭگەدەن اسپاۋى ءتيىس ەكەنىن اتاپ ءوتتى. قازىر ۋاكىلەتتى مەملەكەتتىك ورگاندار مەن ۇيىمدار زاڭنامالىق اكتىلەرگە ازاماتتارعا اكەلىنگەن شەتەلدىك اۆتوكولىكتەرىن وزدەرى ءۇشىن قولايلى جاعدايدا زاڭداستىرۋعا مۇمكىندىك بەرەتىن تۇزەتۋلەر ەنگىزىپ جاتىر، سونداي-اق، ونى جۇرگىزۋ تەتىكتەرى ازىرلەنىپ جاتىر.

2022-جىلعى 1- قىركۇيەككە دەيىن قازاقستانعا اكەلىنگەن بارلىق كولىك بويىنشا ىشكى ىستەر، مەملەكەتتىك كىرىستەر جانە ۇلتتىق قاۋىپسىزدىك ورگاندارى (شەكارا قىزمەتى) اراسىندا اقپارات الماسۋ ماسەلەلەرى پىسىقتالعان. مۇنداي كولىكتەر تۋرالى مالىمەتتەردى ءى ءى م بەلگىلەنگەن مەرزىمنەن كەيىن اكەلىنگەن اۆتوكولىكتەردى زاڭداستىرۋدى بولدىرماۋ ءۇشىن جيناقتايدى.

1- قىركۇيەكتەن كەيىن قازاقستانعا اكەلىنگەن اۆتوكولىكتەردەن باسقا كريمينالدىق ەسەپ بويىنشا ىزدەۋدە جۇرگەن، زاڭ نەمەسە سوت تاراپىنان شەكتەۋلەرى بار، بۇرىن تىركەلگەن ەلدەگى ەسەپتەن بەلگىلەنگەن تارتىپپەن الىنباعان، باسقارۋ ورگاندارى وڭ جاقتا ورنالاسقان، سونداي-اق، تىركەۋدەن نەمەسە تولىق كەدەندىك تەكسەرىستەن وتپەگەن، يەلەرىنىڭ تىركەۋ جانە قۇقىق بەلگىلەيتىن قۇجاتتارى جوق كولىكتەر زاڭداستىرىلمايدى. سونداي-اق، كريمينالدىق اۆتوكولىكتى تىركەۋدى بولدىرماۋ ماقساتىندا كولىك بويىنشا اقپارات بۇرىنعى تىركەلگەن ەلدەردىڭ قۇقىق قورعاۋ جانە كەدەن ورگاندارىمەن سالىستىرىلادى.

«ازاماتتاردى قازاقستاندا كولىكتى تىركەۋ جانە پايدالانۋ مۇمكىندىگى ءۇشىن ونى ساتىپ الۋ كەزىندە زاڭنامانى ساقتاۋعا، ولاردىڭ زاڭدى «تازالىعىن» مىندەتتى تۇردە تەكسەرۋگە شاقىرامىز»، - دەلىنگەن ۆەدومستۆو حابارلاماسىندا.