پرەزيدەنت سايلاۋىنا كانديداتۋرامدى ۇسىنۋ ويىمدا جوق - ەرلان قوشانوۆ

نۇر-سۇلتان. قازاقپارات – ق ر پارلامەنتى ءماجىلىسىنىڭ ءتوراعاسى ەرلان قوشانوۆ ءوزىنىڭ الداعى پرەزيدەنت سايلاۋىنا قاتىسپايتىنىن رەسمي تۇردە مالىمدەدى، دەپ حابارلايدى قازاقپارات ءتىلشىسى.

«Amanat» پارتياسى ءوز كانديداتىن ۇسىنادى. ەندى مەنىڭ قاتىسپايتىنىم بەلگىلى عوي. مەن قاتىسپايمىن ەشبىر سايلاۋعا. سىزدەرگە رەسمي تۇردە مالىمدەيمىن، بيىلعى سايلاۋعا دا، بۇدان كەيىنگى ساياسي ناۋقانعا دا قاتىسپايمىن. ءبىراق مەن سول سايلاۋعا قاتىساتىن لايىقتى تۇلعانى، لايىقتى ۇمىتكەردى قولدايمىن. ونى وزدەرىڭىز دە سەزىپ تۇرعان شىعارسىزدار. ول - قاسىم-جومارت توقايەۆ. سول كىسىنىڭ كانديداتۋراسىن قولدايمىن»، - دەدى ول ءماجىلىستىڭ جالپى وتىرسىنان كەيىن ب ا ق وكىلدەرىنە بەرگەن سۇحباتىندا.

ونىڭ ويىنشا، قازىرگى پرەزيدەنت سايلاۋعا «Amanat» پارتياسىنىڭ اتىنان تۇسە مە نەمەسە باسقا ۇيىمداردى تاڭداي ما - ونى ءوزى شەشەدى.

«كەزىندە ءبىز، «Amanat» پارتياسى، «ءبىز پرەزيدەنتتىڭ قوعامدىق تىرەگىمىز» دەپ جاريالادىق قوي. مىنە، سوندىقتان، ءبىز ءارقاشان پرەزيدەنتتى قولدايمىز»، - دەدى ءماجىلىس سپيكەرى.