اۋليەكولدە باسپاناسى ورتەنىپ كەتكەن اۋىل تۇرعىندارىنا ءۇي سالىنا باستادى

ول ءۇشىن قازىرگى تاڭدا ۋچاسكە ءبولىنىپ، قاجەتتى تەحنيكا اكەلىنگەن، دەپ حابارلايدى قازاقپارات ءتىلشىسى.

بۇعان دەيىن جۇرگىزىلگەن تەحنيكالىق تەكسەرۋ ناتيجەسىندە اۋدانداعى ۇيلەردىڭ تولىق جانىپ كەتكەنى جانە ولاردى قالپىنا كەلتىرۋ مۇمكىن ەمەستىگى بەلگىلى بولدى.

وسىعان بايلانىستى جاڭا باسپانانى ورماننان الىس جەرگە سالۋ شەشىم قابىلداندى. ول ءۇشىن اۋليەكول اۋىلىندا 2 گەكتار جەر ۋچاسكەسى ءبولىندى.

وندا ءارقايسىسىنىڭ اۋماعى 100 شارشى مەتر بولاتىن 91 ءۇي سالۋ جوسپارلانعان.

تۇرعىن ءۇي قۇرىلىسى 2,5-ايدا اياقتالىپ، پايدالانۋعا بەرىلۋى ءتيىس.

قوستاناي وبلىسى اكىمىنىڭ ورىنباسارى عاۋەز نۇرمۇحامبەتوۆتىڭ دەرەگىنشە، ۇيلەر ماقتاارالداعى سۋ تاسقىنى كەزىندە جۇزەگە اسىرىلعان جوبا نەگىزىندە سالىنادى.

«ماقتاارال - وڭتۇستىكتە ورنالاسقان ءوڭىر. ال بىزدە جىلىتۋ ماۋسىمى ۇزاققا سوزىلادى. پرەزيدەنت ۇيلەردى ءبىزدىڭ كليماتتىق جاعدايىمىزدى ەسكەرە وتىرىپ سالۋدى تاپسىردى. ياعني، ولار قىستا جىلى بولۋى ءتيىس»، - دەپ اتاپ ءوتتى عاۋەز نۇرمۇحامبەتوۆ.

قۇرىلىسقا قاجەتتى قاراجات رەسپۋبليكالىق بيۋدجەتتەن بولىنەدى.

بۇل ورايدا ايماقتىڭ كليماتتىق ەرەكشەلىكتەرىنە بايلانىستى جوبا قۇنى ماقتارالداعى قۇرىلىسقا قاراعاندا قىمبات بولۋى مۇمكىن.