پرەزيدەنتكە ۇيىنەن ايىرىلىپ قالعانىن ايتقان قوستانايلىقتىڭ ماسەلەسىنە سوت تۇسىنىكتەمە بەردى

«قوستاناي وبلىسىنىڭ تۇرعىنى شارافۋتدينوۆ مەملەكەت باسشىسىنا اكىمدىك جالعان قۇجات جاساپ، سونىڭ نەگىزىندە سوت قاتە شەشىم شىعارىپ، سالدارىنان ول ۇيىنەن ايىرىلعانىن ايتقان ەدى.

نەگىزىنەن اتالعان 90 شارشى مەتر ءۇي ۆ. ماليۆەتسكە تيەسىلى بولعان. ونىڭ ەكى قىزى بار - ە. شارافۋتدينوۆا جانە ل. بەرەجەتسكايا. 1984 -جىلى ۆ. ماليۆەتس بۇل باسپانانى ۇلكەن قىزى ل. بەرەجەتسكاياعا سىيعا تارتقان جانە ونى نوتاريۋسپەن راستاعان. دەگەنمەن ل. بەرەجەتسكايا 1976 -جىلدان باستاپ رەسەي فەدەراتسياسىندا تۇرادى. سوتتا ول اپكەسىنە ۇيدە ۋاقىتشا تۇرۋعا رۇقسات بەرگەنىن راستادى. ءبىراق ول 1991 -جىلى سوت ارقىلى ە. شارافۋتدينوۆا باسپانادان شىعاردى.

ال 2003 -جىلى اكەسى ۆ. ماسليۆەتس قايتىس بولدى. كەيىن 2018 -جىلى ل. بەرەجەتسكايا ءۇيدى مەملەكەتتىك اكت ارقىلى جەكە مەنشىك قۇقىعىنا وتكىزدى.

ە. شارافۋتدينوۆا اكەسىنىڭ ل. بەرەجەتسكاياعا ءۇي بەرگەنى تۋرالى بارلىق رەسمي قۇجاتتاردىڭ تۇپنۇسقالارىمەن تانىسقان، جاعدايدى بىلەدى. الايدا، ول 2019 -جىلى بەرەجەتسكايانىڭ ۇستىنەن ارىز ءتۇسىردى. ياعني، ءۇيدى ءوز مەنشىگىنە وتكىزۋدى تالاپ ەتتى. كەيىن ول ارىزىن قايتارىپ الدى»، - دەپ تۇسىنىكتەمە بەردى قوستاناي وبلىستىق سوتىنىڭ باسپا ءسوز قىزمەتىنەن.

بەلگىلى بولعانداي، 2020 -جىلى ل. بەرەجەتسكايا ءۇيدى ايقاداموۆا ەسىمدى ازاماتشاعا 3,5 ميلليون تەڭگەگە ساتقان. ءبىراق ە. شارافۋتدينوۆا باسپانانىڭ جاڭا يەسىن ۇيگە كىرگىزبەگەن. ساتىپ الۋشى تيسىنشە سوتقا جۇگىنگەن.

«بۇعان دەيىن قۇقىق قورعاۋ ورگاندارى الاياقتىق ءىس- ارەكەتتەر جانە قۇجاتتاردى قولدان جاساۋ فاكتىسى بويىنشا ارىز تۇسىرگەن ادامنىڭ ءىسىن مۇقيات تەكسەرگەن بولاتىن. ءبىراق دالەلدەردىڭ راستالماۋىنا بايلانىستى قىلمىستىق ءىس توقتاتىلدى» ، - دەلىنگەن حابارلامادا.

ەسكە سالايىق، كەشە قوستانايداعى ورمان ورتىنە بايلانىستى جاعدايمەن تانىسۋ ءۇشىن اتالعان وڭىرگە بارعان مەملەكەت باسشىسى جەرگىلىكتى تۇرعىندارمەن كەزدەستى. وندا جالعان قۇجات سالدارىنان ءۇيىن ايىرىلىپ قالعان جىگىت ماسەلەسىن ايتقان بولاتىن. پرەزيدەنت بۇل جاعدايعا قاتىستى ءىستىڭ انىق- قانىعىن انىقتاۋدى ءوز باقىلاۋىنا الاتىنىن مالىمدەپ ەدى.