الماتىدا كوكتوبەدەن ءورت شىقتى

الماتى. قازاقپارات - الماتىدا تاۋ باۋرايىنداعى تابيعي ءورت توقتار ەمەس. ەندى كوكتوبە ساياباعى ماڭىندا قۋراعان ءشوپ جانىپ جاتىر، دەپ حابارلايدى قازاقپارات ءتىلشىسى.

الەۋمەتتىك جەلىدە ءورتتىڭ ۆيدەوسى تاراپ جاتىر.

الماتى قالالىق توتەنشە جاعدايلار دەپارتامەنتىنىڭ «101» پۋلتىنە ساعات 18:58 دە مەدەۋ اۋدانى، جانىبەكوۆ كوشەسى، 78 مەكەنجايى بويىنشا ءورت شىققان تۋرالى حابارلاما ءتۇستى.

«تۇتانعان تابيعي ءورتتى سوندىرۋگە ءورت سوندىرۋشىلەر جوعارى دارەجەدەگى شاقىرتۋمەن جىبەرىلدى»، - دەپ حابارلادى ۆەدومستۆودان.

ايتا كەتەيىك، بۇگىن تاڭعى ساعات 11:08 شاماسىندا مەدەۋ اۋدانىنداعى تاۋ بوكتەرىندە قۋراعان ءشوپ تۇتانعان بولاتىن.

بۇدان بولەك، قازىر كەڭساي زيراتى اۋماعىندا تۇتانعان تابيعي ءورتتى سوندىرۋمەن 100 دەن استام ادام اينالىسىپ جاتىر.