ۇلى بريتانيا قورعانىس مينيسترلىگى رەسەيدىڭ قانشا مىڭ ساربازى مەرت بولعانىن ايتتى

ونىڭ سوزىنشە، جاراقات العانداردى، تۇتقىنداردى جانە قاشىپ كەتكەندەردى قوسقاندا رەسەي اسكەرى 80 مىڭعا تارتا ساربازىنان ايىرىلىپ وتىر.

ۋوللەس سونداي-اق سوعىس كەزىندە رەسەيدىڭ بىردە-ءبىر ستراتەگيالىق ماقساتى ورىندالمادى دەيدى.

ۇلى بريتانيا پارلامەنتىندە سويلەگەن سوزىندە ۋوللەس ۋكراينا قارۋلى كۇشتەرى اۋىر شايقاس جۇرگىزە وتىرىپ، ەلەۋلى جەتىستىكتەرگە قول جەتكىزگەنىن حابارلادى. ول سونداي-اق ۇلى بريتانيانىڭ ۋكرايناعا تاعى ءبىر اسكەري كومەك توپتاماسىن ازىرلەپ جاتقانىن، ونىڭ قارجىلاي كولەمى 2,3 فۋنت ستەرلينگ ەكەنىن مالىمدەدى.

ءمينيستردىڭ سوزىنشە، وسى كۇنگە دەيىن ۇلى بريتانيا 4700 ۋكراين ساربازىنا ۋكرايناعا بەرىلگەلى وتىرعان زاماناۋي تەحنيكانى قولدانۋدى ۇيرەتكەن.

رەسەي مەن ۋكراينا سوعىستا قانشا ساربازىنان ايىرىلعانىن ايتپاي وتىر. شىلدەنىڭ سوڭىندا س ر ۋ ديرەكتورى ۋيليام بەرنس رەسەي ساپىندا 15 مىڭ ادام قازا تاۋىپ، 45 مىڭ ادام جاراقات الدى دەگەن. بەرنستىڭ باعالاۋىنشا، ۋكراينا اسكەرىنىڭ ساپىندا قازا تاپقاندار سانى سالىستىرمالى تۇردە ەداۋىر از بولعان.

ۋكراينا قورعانىس مينيسترلىگى رەسەي اسكەرىندە 50 مىڭعا تارتا ادام قازا تاپقانىن ايتىپ وتىر. رەسەي قورعانىس مينيسترلىگى ۋكراينا اسكەرىندەگى وپات بولعاندار تۋرالى ءوز اقپاراتىن جۇيەلى تۇردە جاڭارتپايدى. تاراپتار ادەتتە جاۋ شىعىنىن اسىرەلەۋگە بەيىل.

«ازاتتىق»