10:38, 06 - قىركۇيەك 2022 | GMT +6
ۇلىتاۋداعى مەملەكەتتىك كىرىستەر دەپارتامەنتىنە جاڭا باسشى كەلدى
جەزقازعان. قازاقپارات - قارجى ءمينيسترىنىڭ بۇيرىعىمەن عالىمجان ورىنوۆ ۇلىتاۋ وبلىستىق مەملەكەتتىك كىرىستەر دەپارتامەنتىنىڭ باسشىسى بولىپ تاعايىندالدى، دەپ حابارلايدى قازاقپارات ءتىلشىسى.
عالىمجان قالدىكوز ۇلى 1975 -جىلى تۇركىستان وبلىسىندا دۇنيەگە كەلگەن. ەڭبەك جولىن 1996 -جىلى سالىق ينسپەكتورى بولىپ باستاعان. 2018 -جىلعا دەيىن وڭتۇستىك قازاقستان وبلىسى بويىنشا سالىق كوميتەتىندە ءتۇرلى قىزمەتتەر اتقارعان.
2018 - 2019 -جىلدارى قارجى مينيسترلىگىنىڭ مەملەكەتتىك كىرىستەر كوميتەتى قارجىلىق قامتاماسىز ەتۋ باسقارماسىنىڭ باسشىسى بولدى.
2019 -جىلدىڭ مامىرىنان باستاپ قىزىلوردا وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ جۇمىس اتقارعان.
سونىمەن قاتار، بۇگىن اقمولا وبلىستىق مەملەكەتتىك كىرىستەر دەپارتامەنتىنىڭ دە باسشىسى تاعايىندالدى. قارجى ءمينيسترىنىڭ بۇيرىعىمەن بۇل قىزمەتكە دۋلات نۇرمولدين كىرىستى.
