مەكتەپ وقۋشىلارى قازاقستان تاريحىن ەندى ق ر ۇلتتىق مۋزەيىندە وقي الادى - فوتو

بۇگىن مادەنيەت جانە سپورت ءمينيسترى داۋرەن ابايەۆ «مۋزەيدەگى وقۋ كۇنى» اتتى جاڭا مادەني- ءبىلىم بەرۋ جوباسىنىڭ باستالعانى تۋرالى حابارلادى.

ساباقتىڭ تاقىرىبى مەن مازمۇنى وقۋ باعدارلاماسىنا تولىق سايكەس كەلەدى، دەپ حابارلايدى قازاقپارات قر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.

جوبا 5-9-سىنىپ وقۋشىلارىنىڭ قوعامدىق- گۋمانيتارلىق پاندەر بويىنشا تەوريالىق بىلىمدەرىن بەكىتۋگە باعىتتالعان.

«بالالار ءتول تاريحىمىزدى مۋزەي ەكسپوناتتارىنىڭ كومەگىمەن زەرتتەيتىن بولادى، بۇل بالالار ءۇشىن دە، پەداگوگتەر ءۇشىن دە تاماشا مۇمكىندىك. زەرتتەۋشى عالىمدار، ق ر ۇلتتىق مۋزەيىنىڭ ەكسكۋرسيا جەتەكشىلەرى ورتا مەكتەپتىڭ تاريح ءپانىنىڭ مۇعالىمدەرىمەن بىرلەسىپ، گەيميفيكاتسيا ەلەمەنتتەرىن قولدانا وتىرىپ، ينتەراكتيۆتى ساباقتار وتكىزەدى. ساباق بارىسىندا وقۋشىلار ەكسپوناتتارمەن جاقىنىراق تانىسىپ، ارتەفاكتىلەردىڭ كوشىرمەلەرىن قولدا ۇستاي الادى»، - دەپ اتاپ ءوتتى ق ر مادەنيەت جانە سپورت ءمينيسترى داۋرەن ابايەۆ.

ساباقتار مۋزەيدىڭ ەكسپوزيتسيا زالدارىندا وتەدى. ءبىر ءدارىستىڭ ۇزاقتىعى 35-45 مينۋتتى قۇرايدى. ەلىمىزدىڭ باسقا قالالارىنىڭ وقۋشىلارى ءۇشىن مۋزەي ساباقتارى جاقىن ارادا ونلاين فورماتتا قولجەتىمدى بولادى. ول ءۇشىن مۋزەي قىزمەتكەرلەرى ۆيدەو ساباقتار دايىنداعان.

ايتا كەتەيىك، جوبا «بالالار جىلى» اياسىندا جۇزەگە اسىپ وتىر.

رەداكتور ايدار وسپانالي