قىتايداعى گونكونگ قوناقۇيلەرىندە كارانتين قاشان جويىلاتىنى بەلگىلى بولدى
بيلىك قوناقۇيدەگى كارانتيندى 21 كۇننەن ءۇش كۇنگە دەيىن قىسقارتتى. سينگاپۋر سياقتى كوپتەگەن ازيا ورتالىقتارى پاندەمياعا بايلانىستى بارلىق شەكتەۋدى الىپ تاستاسا دا، گونكونگ ولاردان باس تارتا الماي وتىر.
گونكونگ اكىمشىلىگىنىڭ باسشىسى دجون لي قاراشادا وتەتىن الەمدىك بانكيرلەر سامميتىنە جانە حالىقارالىق رەگبي جارىستارىنا جاقىن قوناقۇيلەردە كارانتيندى جويۋ تۋرالى شەشىم قابىلداۋدى كوزدەيدى. ونىڭ مالىمدەمەسىندە ۇكىمەت ەپيدەميانىڭ دامۋى مەن عىلىمي دەرەكتەردى تالداۋعا سايكەس ەپيدەمياعا قارسى شارالاردى جالعاستىراتىنى ايتىلعان.
«ۇكىمەت ماتەريكپەن دە، الەممەن دە بايلانىستى ساقتاۋ قاجەت ەكەنىن، سونىڭ ىشىندە ساياحاتشىلار ءۇشىن قولايسىزدىقتى ازايتۋدى جاقسى بىلەدى. الايدا ازاماتتاردىڭ، اسىرەسە قارتتار مەن بالالاردىڭ ءال- اۋقاتىن قورعاۋ قاجەت»، - دەدى ول.
دەنساۋلىق ساقتاۋ ءمينيسترى لو چۋنگ-ماۋ ۆيرۋس جۇقتىرعان جاعدايلاردىڭ سانى وسكەن سايىن شەكتەۋلەردى كۇشەيتۋدى قالايدى. ول جاعدايلاردى باسۋ ماتەريكپەن شەكارانىڭ اشىلۋىنا اكەلەدى دەپ ۇمىتتەنەدى. سوندىقتان جاقىندا ىندەتپەن كۇرەسۋ ءۇشىن قاتاڭ شارالار قابىلدانعان بولاتىن.
