الماتى وبلىسى اكىمىنىڭ ورىنباسارى تاعايىندالدى

قونايەۆ. قازاقپارات - الماتى وبلىسى اكىمىنىڭ وكىمىمەن، ق ر پرەزيدەنتى اكىمشىلىگىنىڭ كەلىسىمىمەن نۇرجان كەڭەس ۇلى قۇدايبەرگەنوۆ الماتى وبلىسى اكىمىنىڭ ورىنباسارى بولىپ تاعايىندالدى، - دەپ حابارلايدى قازاقپارات ءتىلشىسى.

نۇرجان كەڭەس ۇلى 1963 -جىلى تۋعان، ءبىلىمى جوعارى. 1986 -جىلى الماتى ارحيتەكتۋرا- قۇرىلىس ينستيتۋتىن «ارحيتەكتور» ماماندىعى بويىنشا، 2010 -جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن «ەكونوميكا جانە بيزنەس» ماماندىعى بويىنشا بىتىرگەن.

ەڭبەك جولىن 1986 -جىلى قازاقستاننىڭ فوسفور ءوندىرىسى عىلىمي- زەرتتەۋ ينستيتۋتىندا ينجەنەر بولىپ باستاعان.

ءار جىلدارى «الماتى باس جوسپار» مەملەكەتتىك جوبالاۋ ينستيتۋتىنىڭ ساۋلەتشىسى، «ساۋلەت» شاعىن ساۋلەت- وندىرىستىك كاسىپورنىنىڭ ساۋلەتشىسى، «گەوساۋلەت» مەملەكەتتىك كوممۋنالدىق قازىناشىلىق كاسىپورنىنىڭ ينجەنەر- ساۋلەتشىسى، ىلە اۋدانى اكىمى اپپاراتىنىڭ باس مامانى-باس ساۋلەتشىسى، ىلە اۋدانى قالا قۇرىلىسى جانە قۇرىلىس ءبولىمىنىڭ باستىعى، تەكەلى قالاسىنىڭ، ەڭبەكشىقازاق اۋدانى اكىمىنىڭ ورىنباسارى، ەڭبەكشىقازاق اۋدانى اكىمىنىڭ ءبىرىنشى ورىنباسارى لاۋازىمدارىن اتقارعان.

2019 -جىلدىڭ قىركۇيەك ايىنان وسى ۋاقىتقا دەيىن رايىمبەك اۋدانىنىڭ اكىمى لاۋازىمىندا بولدى.

اۆتور سامال قابىشەۆا