ۇيلەرى ورتەنىپ كەتكەن قوستانايلىقتاردىڭ بانكتەگى نەسيەلەرى جابىلادى

«قوستاناي وبلىسىندا ۇيلەرى ورتەنىپ كەتكەن ءار وتباسىنا 1 ميلليون تەڭگە كولەمىندە قارجىلاي كومەك جىبەرىلەدى. ۇيىنەن ايرىلعان ادامدار كۇش جيناپ، العان قاراجاتىن ەڭ قاجەتتىسىنە - تۇرعىن ءۇيدى جالداۋعا، كيىم- كەشەك، تاماق جانە قاجەتتى تاۋارلار ساتىپ الۋعا جۇمسايدى.

سونىمەن قاتار، بانك باسشىلىعى جانىپ كەتكەن ۇيلەردىڭ بارلىق يەلەرىنە قولدانىستاعى كرەديتتەرىن جابۋ تۋرالى شەشىم قابىلدادى.

بانك باسشىلىعى مەن ۇجىمى وزەرنوە، لەسنوە، امانقاراعاي اۋىلدارىنىڭ بارلىق ءورت سالدارىنان زارداپ شەككەن تۇرعىندارىنا شىنايى جاناشىرلىق تانىتىپ، ولاردىڭ ومىرلەرى جاقىن ارادا ۇيرەنشىكتى ارناعا ورالادى دەگەن ۇمىتتە»، - دەپ جازىلعان بانكتىڭ حابارلاماسىندا.

ەسكە سالساق، 2- قىركۇيەكتە ساعات 15:10-دا قوستاناي وبلىسىنداعى قازانباسى اۋىلىنان 20 شاقىرىم جەردە، «باسامان ك ش ش» ك م م اۋماعىندا ورمان القابى ورتەنگەن بولاتىن. توتەنشە جاعدايلار ءمينيسترى يۋري يلين وقيعا ورنىنا تىكۇشاقپەن اتتاندى.

ءورت اۋىلدارعا قاراي جالىنداپ، تۇرعىندار ەۆاكۋاتسيالاندى، ورتكە بايلانىستى شۇعىل جەلى ىسكە قوسىلدى.

پرەزيدەنت قاسىم- جومارت توقايەۆ پرەمەر- مينيستر ءاليحان سمايىلوۆ، توتەنشە جاعدايلار ءمينيسترى يۋري يلين جانە قوستاناي وبلىسىنىڭ اكىمى ارحيمەد مۇحامبەتوۆتىڭ ءورت ايماعىنداعى جەدەل جاعداي تۋرالى ەسەبىن تىڭدادى.

توتەنشە جاعدايلار ءمينيسترى يۋري يليننىڭ مالىمەتى بويىنشا، قوستاناي وبلىسى اۋليەكول اۋدانىنداعى ءورت 43 مىڭ گەكتاردان استام اۋماقتى شارپىعان. امانقاراعاي اۋىلىندا 98 ءۇي ورتەنىپ كەتتى. 10 ادامدى ورتاشا دەڭگەيدە كۇيىك شالعان جانە ۋلانعان. سونداي- اق، امانقاراعاي اۋىلىندا ءبىر ادامنىڭ ءمايىتى تابىلدى.

ق ر پرەمەر- ءمينيسترى ءاليحان سمايىلوۆ قوستاناي وبلىسىنداعى الاپات تابيعي ورتتەردىڭ سالدارىن جويۋ ماسەلەلەرى بويىنشا جەدەل كەڭەس وتكىزدى.

وڭىرلەردە «AMANAT» پارتياسىنىڭ گۋمانيتارلىق كومەك قابىلداۋ پۋنكتىلەرى جۇمىسىن باستادى.

اۆتور

ءاليحان اسقار