ۇلتتىق بانك سيفرلىق تەڭگەنىڭ ارتىقشىلىقتارىن ءتۇسىندىردى
بۇل تۋرالى ۇلتتىق بانكتىڭ تولەم جانە قارجىلىق تەحنولوگيالاردى دامىتۋ ورتالىعىنىڭ باسقارما ءتوراعاسى بينۇر جالەنوۆ ءمالىم ەتتى، دەپ حاباپرلايدى قازاقپارات ءتىلشىسى.
ۇلتتىق بانك وكىلىنىڭ ايتۋىنشا، تسيفرلىق تەڭگەنى ەنگىزۋ جونىندەگى پيلوتتىق جوبا جىل سوڭىندا قابىلدانادى.
«جىل سوڭىنا دەيىن سيفرلىق تەڭگەنى قولدانىسقا ەنگىزۋ قاجەتتىلىگى تۋرالى شەشىم شىعارۋىمىز كەرەك. ول شەشىمدى شىعارۋ ءۇشىن ەكونوميكالىق جانە تەحنولوگيالىق اسپەكتىلەر كەشەندى زەرتتەلۋى ءتيىس. ءبىز قازىر تەحنولوگيالىق پيلوتتىق جوبا دەڭگەيىندەمىز. ول بيىل قازان ايىندا وتەدى. سونىڭ قورىتىندىسى بويىنشا، شامامەن جەلتوقساندا شىعارىلعان شەشىمدى جۇرتشىلىققا جاريا ەتەمىز. سيفرلىق تەڭگە بۇكىل رەسپۋبليكادا قولما- قول اقشاسىز تولەم جۇيەسىنىڭ قولجەتىمدىلىگىن ارتتىرۋعا ايتارلىقتاي ىقپال ەتە الادى. ەڭ باستى ارتىقشىلىعى - ونىمەن ينتەرنەتسىز، وفلاين رەجيمدە تولەم جۇرگىزۋگە بولادى»، - دەدى ول.
بينۇر جالەنوۆ سيفرلىق تەڭگە ەنگىزىلسە، قولما- قول جانە قولما- قول ەمەس اقشامەن قاتار قازاقستاننىڭ ۇلتتىق ۆاليۋتاسىنىڭ ءۇشىنشى ءتۇرى بولاتىنىن ايتتى.
«ءبىزدىڭ ويىمىزشا، سيفرلىق تەڭگە بۇكىل ەل بويىنشا قولما- قول اقشاسىز تولەمدەردىڭ قولجەتىمدىلىگىن ايتارلىقتاي ارتتىرا الادى، بۇل ءبىرىنشى كەزەكتە ولاردى ينتەرنەتكە قوسىلماي- اق وفلاين رەجيمدە تولەۋگە بولاتىندىعىنا بايلانىستى. ونىڭ سونداي- اق نارىقتاعى يننوۆاتسيالاردى دامىتۋ ءۇشىن ايتارلىقتاي الەۋەتى بار. تسيفرلىق تەڭگە ازاماتتاردىڭ بارلىق ترانزاكتسيالارىن قاداعالاۋ ءۇشىن جاسالماعانىن اتاپ وتكىم كەلەدى، ءبىز تەك بەلگىلى ءبىر كەزەڭگە دەيىن اشىقتىق پەن سۇرانىستى قامتاماسىز ەتەتىن ارحيتەكتۋرالىق شەشىمدەردى ارنايى ۇسىنىپ وتىرمىز. سيفرلىق تەڭگە سىبايلاس جەمقورلىقتى ازايتۋعا كومەكتەسەدى»، - دەپ قوستى سپيكەر.
بينۇر جالەنوۆتىڭ سوزىنشە، سيفرلىق تەڭگە ەكىنشى دەڭگەيلى بانكتەر مەن تولەم ۇيىمدارىنىڭ ءوتىنىشى ارقىلى قولجەتىمدى بولماق.
