دەنساۋلىق ساقتاۋ مينيسترلىگى اۋىل حالقىنا ارنالعان پيلوتتىق جوبانى باستايدى

ۆەدومستۆونىڭ مالىمەتىنشە، پ يلوتتىق جوبا ەكى مىندەتتى قامتيدى: ءبىرىنشىسى، مەديتسينالىق پۋنكت، ف ا پ، دارىگەرلىك امبۋلاتوريا سياقتى جەتىسپەيتىن باستاپقى مەديتسينالىق-سانيتاريالىق كومەك ۇيىمدارىن سالۋ ارقىلى بارلىق اۋىلدىق ەلدى مەكەندەردى مەديتسينالىق ينفراقۇرىلىممەن قامتاماسىز ەتۋ. ەكىنشىسى، قازىرگى زامانعى كوپ بەيىندى ورتالىق اۋدانارالىق اۋرۋحانالاردى ۇيىمداستىرۋ ارقىلى اۋىل حالقىنا ۋاقتىلى شۇعىل جانە مامانداندىرىلعان مەديتسينالىق كومەك كورسەتۋ قىزمەتىن ارتتىرۋ.

ءبىرىنشى مىندەتكە كەلەر بولساق، 655 نىساندى سالۋدىڭ ارقاسىندا شامامەن 1 ميلليونداي اۋىل تۇرعىنىن باستاپقى مەديتسينالىق-سانيتاريالىق كومەكپەن قوسىمشا قامتۋ، اۋىل حالقىنا مەديتسينالىق كومەكتى جاقىنداتۋ، اۋىلداعى مەديتسينالىق قىزمەتتەردىڭ ساپاسىنا قاناعاتتانۋ كورسەتكىشىن ارتتىرۋ، مساك قولجەتىمدىلىگىن ارتتىرۋ (پروفيلاكتيكالىق تەكسەرۋلەر، سكرينينگ، ەرتە انىقتاۋ)، ۋاقتىلى مەديتسينالىق كومەك كورسەتۋ، اسقىنۋلاردىڭ الدىن الۋ سياقتى جەتىستىكتەرگە قول جەتكىزۋ مۇمكىندىگى كۇتىلۋدە.

ال ەكىنشى مىندەت بويىنشا، ياعني قازىرگى زامانعى كوپ بەيىندى اۋرۋحانالاردى ۇيىمداستىرۋدىڭ ارقاسىندا «التىن ساعات» قاعيداتىن ساقتاي وتىرىپ، اۋىل حالقىنا ينفاركت، ينسۋلت، جاراقات جانە باسقا دا جاعدايلار كەزىندە شۇعىل مەديتسينالىق كومەكتى ۋاقتىلى كورسەتۋ، قان اينالىمى جۇيەسى اۋرۋلارىنان بولاتىن ءولىم-ءجىتىمدى (ينفاركت، ينسۋلت جانە ت. ب.) %20 تومەندەتۋ، ءىرى قالالارعا اۋرە ەتپەستەن حالىققا مامانداندىرىلعان جانە جوعارى تەحنولوگيالىق مەديتسينالىق كومەك كورسەتۋ، 4 ميلليوننان استام اۋىل تۇرعىنىن جوعارى تەحنولوگيالىق كومەكپەن قامتاماسىز ەتۋ مۇمكىندىگى كۇتىلۋدە.