زەرتتەۋ: قازاقستاننىڭ قاي وڭىرىندە جەمقور كوپ؟
ءبىرىنشى جارتىجىلدىقتا مۇنداي قۇقىق بۇزۋعا اكىمدىكتەر مەن ولاردىڭ قۇرىلىمدىق بولىمشەلەرىنىڭ 91 قىزمەتكەرى جول بەرگەن. بۇل كەيىنگى جىلدارداعى رەكورد كورسەتكىش. ماسەلەن، 2021-جىلدىڭ ءدال وسى كەزەڭىندە 87 جەمقور شەنەۋنىك ۇستالعان.
ايتا كەتەيىك، ءدال 2021-2022-جىلدارى سىبايلاس جەمقورلىق قۇقىقبۇزۋشىلىق جاساعان اكىمدىك قىزمەتكەرلەرىنىڭ سانى بىلتىرعى كورسەتكىشتەردەن ايتارلىقتاي ارتقان. سالىستىرۋ ءۇشىن: 2020-جىلدىڭ وسى كەزەڭىندە - 11 قۇقىقبۇزۋشى، 2019-جىلى – 23، 2018-جىلى - 22.
سىبايلاس جەمقورلىق باپتارى اياسىندا اكىمدىكتەردىڭ بارلىق قىزمەتكەرىنىڭ كوپشىلىگى مىنا جاعدايلار ءۇشىن جاۋاپكەرشىلىككە تارتىلعان:
سەنىپ تاپسىرىلعان بوتەننىڭ مۇلكىن يەمدەنۋ نەمەسە جىمقىرۋ (ق ك 189-بابى 3-بولىگى 2-تارماعى) - 28 ادام؛
پارا الۋ (ق ك- نىڭ 366-بابى) - 26 ادام؛
پارا بەرۋ (ق ك- نىڭ 367-بابى) - 19 ادام؛
الاياقتىق (ق ك- نىڭ 190-بابى 3-بولىگى 2-تارماعى) - 14 ادام.
وڭىرلەر بولىنىسىندە تۇركىستان وبلىسى بويىنشا اكىمدىكتەر قىزمەتكەرلەرىنىڭ باسىم بولىگى سىبايلاس جەمقورلىققا بايلانىستى قۇقىق بۇزعانى ءۇشىن ۇستالعان - 13 ادام.
