دەپۋتات «قولايلى مەكتەپ» جوباسىن سولتۇستىكتەگى وڭىرلەرگە باعىتتاۋدى ۇسىندى

«پرەزيدەنت جولداۋىندا وتە كوپ مىندەت جۇكتەلدى. ءبىراق ولار ءبىز جەتۋىمىز كەرەك ماقساتتارعا عانا. وعان قالاي جەتەمىز دەگەن ماسەلە ءوز الدىنا ماڭىزدى. ياعني جولداۋدىڭ ىسكە اسۋى ۇكىمەتتىڭ جالپىۇلتتىق جوسپارعا قانداي تەتىكتەر ەنگىزەتىنىنە دە بايلانىستى. جوسپارعا جولداۋدىڭ زەينەتاقى تۋرالى ءۇزىندىسىن قيىپ الىپ، ورىنداۋشىنىڭ تۇسىنا ب ج ز ق- نى بەكىتە سالۋعا بولمايدى دەپ ويلايمىن. ويتكەنى جولداۋدىڭ ءار پۋنكتى مۇقيات ەسەپتەپ، تەتىكتەرىن ەگجەي- تەگجەي ويلاستىرۋدى قاجەت ەتەدى»، دەدى دەپۋتات ورتالىق كوممۋنيكاتسيالار قىزمەتىندە وتكەن ساراپشىلار كەڭەسىندە.

سونداي-اق، ول جولداۋدا ايتىلعان «قولايلى مەكتەپ» جوباسىن سولتۇستىك وڭىرلەرگە حالىق قونىستاندىرۋ ساياساتىمەن ۇيلەستىرىپ ىسكە اسىرۋدى ۇسىندى.

«مەكتەپتەردە 800 مىڭ قولايلى ورىن قالىپتاستىرۋ تۋرالى تاپسىرماسىن عانا الىپ قارايىق. بۇل بۇكىل وقۋشىلاردىڭ بەستەن ءبىر بولىگى دەگەن ءسوز. «قولايلى مەكتەپ» جوباسىنا قاتىساتىن ءبىلىم وشاقتارى قالاي ىرىكتەلەدى، بازاسى قايدا بولادى؟ وسىنىڭ ءبارى تەرەڭدەپ تالداۋدى كەرەك ەتەدى. اسىرەسە وڭىرلەردەگى مەكتەپتەردى زەرتتەۋ كەرەك. سولتۇستىككە كوشىڭىزدەر دەگەن ۇران كوپ. ءبىراق بارعان كەزدە قىل اياعى دۇرىس مەكتەپ تە جوق بولىپ شىعادى. وتكەن عاسىردىڭ ەلۋىنشى جىلدارى سالىنعان مەكتەپتەر ءالى تۇر.

ياعني، جولداۋدىڭ ءتيىمدى ىسكە اسۋى تەتىكتەرى قانشالىقتى ساۋاتتى پىسىقتالعانىنا بايلانىستى بولماق. بۇل تەك ۇكىمەتتىڭ عانا ەمەس، ساراپشىلار قاۋىمىنىڭ دا، دەپۋتاتتار كورپۋسىنىڭ دا جۇمىلۋىن تالاپ ەتەدى»، - دەدى يۋليا كۋچينسكايا.