قازاقستاندا قانشا ءىلبىس بار

بۇل تۋرالى وڭىرلىك كوممۋنيكاتسيالار قىزمەتىنىڭ بريفينگىندە ىلبىستەردى باقىلاۋ ورتالىعىنىڭ تەريولوگيا زەرتحاناسىنىڭ مەڭگەرۋشىسى، Wildlife Without Borders مۇشەسى الەكسەي گراچەۆ ايتتى، دەپ حابارلايدى قازاقپارات ءتىلشىسى.

الەكسەي گراچەۆتىڭ پىكىرىنشە، ءىلبىس قازاقستان حالقىنىڭ باعا جەتپەس مادەني مۇراسىن كورسەتەتىن تاۋەلسىز قازاقستاننىڭ رەسمي ۇلتتىق سيمۆولى.

«وتكەن عاسىردىڭ 1980-جىلدارى قار بارىسى 200-گە دەيىن تومەندەدى. قازىر ەلدە شامامەن 140-180 ءىلبىس بار»، - دەدى ول.

سپيكەردىڭ سوزىنشە، ول باسقا عالىمدارمەن بىرگە سيرەك كەزدەسەتىن جانۋاردى ساقتاپ قالۋعا قامقورلىق جاساپ ءجۇر. ول ءۇشىن ولار ۇنەمى زەرتتەۋلەر مەن مونيتورينگ جۇرگىزەدى.

«قار بارىسى - قولجەتىمسىز تىرشىلىك ەتۋ ورتاسى مەن جاسىرىن ءومىر سالتىنا بايلانىستى الەمدەگى ەڭ قولعا ءتۇسۋى قيىن مىسىق. سوڭعى ۋاقىتقا دەيىن ول تۋرالى قانداي دا ءبىر اقپارات جيناۋ وتە قيىن بولدى، ءبىراق زاماناۋي يننوۆاتسيالىق ادىستەردىڭ پايدا بولۋىمەن ءبىز كامەرالىق قاقپاندار - اۆتوماتتى باقىلاۋ كامەرالارىنىڭ ارقاسىندا ونى زەرتتەۋدە ايتارلىقتاي جەتىستىكتەرگە جەتتىك»، - دەدى سپيكەر.

ايتۋىنشا، فوتوتۇزاقتار بۇگىندە وسى سيرەك كەزدەسەتىن جىرتقىشتى زەرتتەۋ مەن باقىلاۋدىڭ ەڭ پەرسپەكتيۆالى ءادىسى بولدى. بۇل قۇرىلعىلار جانۋارلاردى جىل بويى تۇندە جانە كۇندىز تىركەۋگە مۇمكىندىك بەرەدى.

«سوڭعى 5 جىل ىشىندە جەرگىلىكتى عالىمدار الماتى قورىعى مەن ىلە الاتاۋ ۇلتتىق پاركىنىڭ ماماندارىمەن بىرلەسىپ الماتى ماڭىندا مەكەندەيتىن ءىلبىس پوپۋلياتسياسىنا ۇزدىكسىز باقىلاۋ جۇرگىزىپ كەلەدى. تاۋداعى جانۋارلاردىڭ نەگىزگى پوپۋلياتسيالىق ەرەكشەلىكتەرى مەن مىنەز- قۇلقىن زەرتتەۋ ءۇشىن 50-دەن استام فوتوتۇزاقتار ورناتىلدى»، - دەيدى الەكسەي گراچەۆ.

فوتو: wallpaperbetter.com

اۆتور الما مۇقانوۆا