كوكشەتاۋدا كارىز قۇدىعىندا اعالى- ءىنىلى ەكى ەر ادام ەسىنەن تانىپ قالعان

كوكشەتاۋ. قازاقپارات - اقمولا وبلىسىندا كارىز قۇدىعىندا ۋلانىپ، ەسىنەن تانعان ەكى اعايىندى جىگىت قۇتقارىلدى، دەپ حابارلايدى قازاقپارات ءتىلشىسى.

اقمولا وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، كەلەڭسىز جاعداي 1- قىركۇيەك كۇنى كوكشەتاۋ قالاسىندا بولعان.

«40 جاستاعى ەر ادام كارىز قۇدىعىن تازالاۋ كەزىندە ەسىنەن تانىپ قۇلادى. كەيىن ونى قۇتقارۋعا 42 جاستاعى اعاسى قۇدىققا ءتۇستى. ول دا ەسىنەن تانىپ قالدى. ارادا 30 مينۋت وتكەن سوڭ، وقيعا ورنىنا قۇتقارۋشىلار جەتىپ، اعايىندى ەكەۋىن سىرتقا شىعارىپ، ەس- ءتۇسسىز كۇيىندە جەدەل جاردەم بريگاداسىنا تاپسىردى. انىقتالعانداي، ەكەۋى دە اممياك بۋىمەن ۋلانعان»، - دەدى ۆەدومستۆودان.

اۆتور

اسلان وسپانوۆ