قاسىم-جومارت توقايەۆ پەن ۆلاديمير پۋتين ستراتەگيالىق ارىپتەستىكتى تالقىلادى

اقوردانىڭ مالىمەتىنشە، قازاقستان مەن رەسەي پرەزيدەنتتەرى ەكى مەملەكەت اراسىنداعى ستراتەگيالىق ارىپتەستىك پەن وداقتاستىق قاتىناستارىن ودان ءارى دامىتۋ جونىندە پىكىر الماسقان.

اڭگىمە بارىسىندا مەملەكەتتەر باسشىلارى جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرىپ كەلە جاتقان ۇكىمەتتەردىڭ ءتيىمدى ءوزارا ءىس-ارەكەتىن اتاپ ءوتتى.

قاسىم-جومارت توقايەۆ ۆلاديمير پۋتينگە ت م د، ا و س ش ك سامميتتەرىنە، سونداي-اق قازان ايىنىڭ ورتاسىندا قازاقستان استاناسىندا وتەتىن «ورتالىق ازيا - رەسەي» مەملەكەتتەر باسشىلارىنىڭ وتىرىسىنا قاتىسۋعا كەلىسكەنىنە ريزاشىلىعىن ءبىلدىردى.

پرەزيدەنتتەر تۇراقتى جۇمىس بايلانىسىن جالعاستىرۋعا كەلىستى.