جاڭا سالىق كودەكسىنە «ءسان- سالتانات سالىعىن» ەنگىزۋ ماسەلەسى پىسىقتالادى - پرەزيدەنت جولداۋى

نۇر- سۇلتان. قازاقپارات - جاڭا سالىق كودەكسىن ازىرلەۋ كەزىندە ءسان- سالتانات سالىعىن ەنگىزۋ ماسەلەسى پىسىقتالادى، دەپ حابارلايدى قازاقپارات ءتىلشىسى.

مەملەكەت باسشىسى قاسىم- جومارت توقايەۆ قازاقستان حالقىنا جولداۋىندا وسىنداي ۇسىنىس ايتتى.

«وركەنيەتتى ساۋدانى دامىتۋ ءۇشىن بارابار مولشەرلەمەلەر مەن قاراپايىم راسىمدەرمەن بولشەك سالىقتى قولدانۋدى كەڭەيتۋ قاجەت.

سالىق رەفورماسى اياسىندا «ءسان- سالتانات سالىعىن» ەنگىزۋ مۇمكىندىگىن قاراستىرۋ ماڭىزدى»، - دەگەن پرەزيدەنت بۇل سالىقتىڭ قاراپايىم حالىققا قاتىسى جوق ەكەنىن باسا ايتتى.

«ول قىمبات جىلجىمايتىن مۇلىكتى، كولىك قۇرالدارىن ساتىپ العان كەزدە الىنادى جانە ورتا تاپقا اسەر ەتپەيدى»، - دەدى قاسىم- جومارت توقايەۆ.

فوتو: pictures.dealer.com

اۆتور

ەسىمجان ناقتىباي