زەينەتاقىنىڭ جيىنتىق كولەمى ارتادى

نۇر-سۇلتان. قازاقپارات - 2025 -جىلعا قاراي جيىنتىق زەينەتاقى ارتادى. بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا جولداۋى بارىسىندا ايتتى، دەپ حابارلايدى قازاقپارات ءتىلشىسى.

«زەينەتاقى جۇيەسىن ەلەۋلى تۇردە قايتا جۇكتەۋ مىندەتى تۇر. ەڭ تومەنگى بازالىق زەينەتاقى مولشەرلەمەسىن ەڭ تومەنگى كۇنكورىس دەڭگەيىنىڭ 70 پايىزىنا، ال ەڭ جوعارىسىن 120 پايىزعا دەيىن دايەكتى تۇردە جەتكىزۋ قاجەت»، - دەدى مەملەكەت باسشىسى.

وسى ورايدا پرەزيدەنت بۇدان بۇرىن قابىلدانعان شەشىمدەردى ەسكەرە وتىرىپ، بۇل 2025 -جىلعا قاراي جيىنتىق زەينەتاقىنى ورتا ەسەپپەن 27 پايىزعا ارتتىرۋعا مۇمكىندىك بەرەتىنىن ايتتى.

بۇدان بۇرىن حابارلانعانداي، قاسىم-جومارت توقايەۆ قازاقستاندا ايەلدەردىڭ زەينەتكە شىعۋى 61 جاس دەڭگەيىندە بەكىتىلەتىنىن ايتتى.