توقايەۆ جاڭا ەكونوميكالىق ساياساتتىڭ باسىم باعىتتارىن اتادى
«ءبىزدىڭ ەكونوميكالىق ساياساتىمىزدىڭ بازالىق ماقساتى - وزگەرىسسىز قالادى - ازاماتتارىمىزدىڭ ساپالى ءارى ينكليۋزيۆتى تۇرمىسى قامتاماسىز ەتىلۋى كەرەك»، - دەدى پرەزيدەنت.
سونداي- اق، ول بارشاعا بىردەي مۇمكىندىك جاساۋ جاڭا ەكونوميكالىق ساياساتتىڭ باسىم باعىتتارىنىڭ ءبىرى بولۋى كەرەكتىگىن اتاپ ءوتتى.
«جاڭا ەكونوميكالىق باعداردىڭ باسىم باعىتى جەكە كاسىپكەرلىك باستامالاردى ىنتالاندىرۋ ياعني، مەملەكەتتىك كاپيتاليزم مەن مەملەكەتتىڭ ەكونوميكاعا شەكتەن تىس كيلىگۋىنەن كەتۋ؛ باسەكەلەستىكتى دامىتىپ، بارشاعا بىردەي مۇمكىندىك جاساۋ جانە ارينە، ۇلتتىق تابىستى ادىلەتتى ءبولۋ بولماق.»، - دەدى مەملەكەت باسشىسى.
«ۇكىمەتكە يندۋستريا جانە جەر قويناۋىن يگەرۋ سالالارىنىڭ ينۆەستيتسيالىق تارتىمدىلىعىن ارتتىرۋدى تاپسىرامىن. بىلتىر مەنىڭ تاپسىرمام بويىنشا بارلىق ارنايى ەكونوميكالىق ايماقتىڭ تيىمدىلىگى باعالاندى.
سونىڭ ناتيجەسىندە تۇيتكىلدى تۇستاردى انىقتاپ، تىڭ تاسىلدەردى ويلاستىردىق.
ەندى ارنايى ەكونوميكالىق ايماقتاردى دامىتۋ ءۇشىن مۇلدە باسقا ساياساتقا كوشكەن ءجون.
قازىرگى تاڭدا شەتەل كومپانيالارى قازاقستانعا كوشە باستادى. سوندىقتان، بۇل ماسەلە ءتىپتى وزەكتى بولىپ وتىر»، - دەدى ق ر پرەزيدەنتى.
ايتا كەتۋ كەرەك، بۇگىن مەملەكەت باسشىسى قاسىم- جومارت توقايەۆ ق ر پارلامەنتى پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالايدى.
بۇدان بۇرىن حابارلانعانداي، جولداۋدىڭ نەگىزگى بولىگى ەلىمىزدىڭ الەۋمەتتىك- ەكونوميكالىق دامۋىنا ارنالادى.
رەداكتور
ايدار وسپاناليەۆ
