الماتىدا قالا تۇرعىندارىنىڭ ءوتىنىشى بويىنشا جاڭا اۆتوبۋس باعىتى ىسكە قوسىلدى

الماتى قالالىق موبيلدىلىك باسقارماسىنىڭ مالىمەتىنشە، الاتاۋ اۋدانى تۇرعىندارىنىڭ قالا اكىمىمەن كەزدەسۋىندە ايتىلعان وتىنىشتەرى بويىنشا 1-قىركۇيەكتەن باستاپ №142-جاڭا باعىت ىسكە قوسىلدى.

جاڭا № 142-قوعامدىق كولىگى «ەنەرگوسترويتەل» باۋ-باقشا سەرىكتەستىگىنەن ف. وڭعارسىنوۆا كوشەسى بويىمەن رىسقۇلوۆ داڭعىلى - مومىش ۇلى كوشەسى - اباي داڭعىلى - ساين كوشەسى - شالياپين كوشەسى - مومىش ۇلى كوشەسى بويىمەن جۇرەتىن بولادى.

كەرى باعىتتا مومىش ۇلى كوشەسىمەن رىسقۇلوۆ داڭعىلىنا دەيىن - وڭعارسىنوۆا كوشەسىمەن «ەنەرگوسترويتەل» باۋ-باقشا سەرىكتەستىگىنە دەيىن قاتىنايدى.

بۇعان دەيىن مەگاپوليستە №109-قوعامدىق كولىك ىسكە قوسىلعان بولاتىن. ول «تەرەكتى» ىقشاماۋدانى مەن №6-شاعىناۋدانى باعىتىندا قاتىنايدى.

اۆتور الما مۇقانوۆا