تۇركى الەمىنە ورتاق ادەبيەت، گەوگرافيا جانە تاريح وقۋلىعى جازىلدى
نۇر- سۇلتان. قازاقپارات - قازاقستاندا تۇركى تىلدەس حالىققا ورتاق ادەبيەت، گەوگرافيا جانە تاريح وقۋلىعى وقىتىلماق.
بۇل تۋرالى حالىقارالىق تۇركى اكادەمياسىنىڭ پرەزيدەنتى دارحان قىدىرالى ءمالىم ەتتى، دەپ حابارلايدى قازاقپارات ءتىلشىسى.
«قازبا جۇمىسى كەزىندە مەملەكەت باسشىسى ارنايى تەلەفون شالىپ قۇتتىقتادى. سونىمەن قاتار مەملەكەتتىك كەڭەسشى دە جىلى لەبىزىن جولدادى. سونداي- اق، الىس- جاقىن ەلدەردەن باۋىرلار حابارلاسىپ، قۋانىشقا ورتاقتاسىپ جاتىر. ودان بولەك، تاياۋدا عانا تۇركى الەمىنە ورتاق ادەبيەت، گەوگرافيا جانە تاريح وقۋلىقتارىن جازىپ بىتتىك. وعان ءبىزدىڭ مينيسترلىكتەر قول قويىپ، بەكىتىلدى. اتالعان وقۋلىق ازەربايجاندا قازىردىڭ وزىندە وقىتىلىپ جاتىر. ەندى قازاقستان، قىرعىزستان جانە تۇركيادا ول ءپان تولىق ەنگىزىلەتىن بولادى. بۇنى ءبىزدىڭ اكادەميانىڭ شوقتىعى بيىك جۇمىستارىنىڭ ءبىرى رەتىندە باعالاۋعا بولادى»، - دەدى دارحان قىدىرالى ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
بۇعان دەيىن ІІ تۇرىك قاعاناتىن قايتا جانداندىرعان قۇتلىق قاعان تاريحي كەشەنىنىڭ تابىلعانىن حابارلاعان ەدىك.
حالىقارالىق تۇركى اكادەمياسى پرەزيدەنتى دارحان قىدىرالىنىڭ ايتۋىنشا، اتالعان تاريحي تابىس - بارشا تۇركى الەمى جانە كوشپەلى جۇرت ءۇشىن ۇلكەن جاڭالىق بولىپ وتىر.
