20:02, 30 - تامىز 2022 | GMT +5
گەننادي گولوۆكين «كانەلومەن» ءۇشىنشى جەكپە- جەكتەن كەيىن سپورتتان كەتە مە
نۇر- سۇلتان. قازاقپارات - WBA Super، IBF جانە IBO نۇسقاسىنداعى الەم چەمپيونى گەننادي گولوۆكين ساۋل الۆارەسپەن ءۇشىنشى مارتە جۇدىرىقتاسقاننان كەيىن قانداي جوسپارى بارىن ايتتى، دەپ حابارلايدى قازاقپارات Sports.kz رەسۋرسىنا سىلتەمە جاساپ.
گولوۆكين بۇعان دەيىن بىرنەشە رەت وسى ايقاستان كەيىن بوكستاعى كەرەرامدى اياقتايمىن دەگەنگە ساياتىن مالىمدەمە جاساعان ەدى.
الايدا وسى جولى كەلەشەگىنە ەشقانداي ناقتى بولجام جاسامايتىنىن جەتكىزدى.
«قورىتىندى شەشىمدى اتالعان جەكپە- جەكتەن كەيىن قابىلدايمىن. ءبارى جاعدايعا بايلانىستى. ەگەر بۇكىل تيتۋلىمدى ساقتاپ قالۋعا مۇمكىندىك بولسا، ورتا سالماقتاعى تەڭەستىرۋ ايقاستارىنا ءارى قاراي قاتىسا بەرەمىن. ويتكەنى بۇعان دەيىن ەشكىم ولاي جاساعان جوق قوي. جالپى، كەلەشەكتە قالاي بولاتىنىن جاعدايعا قاراي كورەمىز» ، - دەدى ول كەشە Boxingscene سايتىنا بەرگەن سۇحباتىندا.
ەسكە سالا كەتەيىك، گەننادي گولوۆكين مەن ساۋل «كانەلو» الۆارەس اراسىنداعى ءۇشىنشى جەكپە- جەك 17-قىركۇيەك كۇنى امەريكانىڭ لاس ۆەگاس قالاسىندا وتەدى.
