ادام وزىنە سەنىمسىز ەكەنىن قانداي ارەكەتىنەن بىلۋگە بولادى؟

ادام ءوز- وزىنە دەگەن سەنىمدىلىگىن سوزبەن دالەلدەۋگە تىرىسسا دا، كەيدە دەنە شىنايى ىشكى كۇيدى ءبىلدىرىپ قويادى. ادامنىڭ مىنەز- قۇلقىن زەرتتەگەن پسيحولوگتار سيۋزان ۆاينشەنك پەن اللان پيزانىڭ ەڭبەكتەرىندە وسى ماسەلە ايتىلادى، - دەپ حابارلايدى Tengri Lifestyle.

دەنەنى تىرنالاۋ

مويىندى ۋقالاۋ، قۇلاقتى، قاستى نەمەسە يەكتى ۇستاي بەرۋ - ادام قوبالجۋىن باسۋ ءۇشىن جاسايتىن قيمىلدارى. مۇنداي ارەكەتتەر ادامعا ىڭعايسىز ەكەنىن نەمەسە سەنىمسىزدىك سەزىمىن بىلدىرەدى. وسىنداي ارەكەتتى ساياساتكەرلەرگە ىڭعايسىز سۇراقتار قويىلعان سۇحباتتان بايقاۋعا بولادى.

«يازىك تەلودۆيجەنيي» كىتابىندا اۆتور ستاتيستيكا بويىنشا ادام بەس رەت تىرنايتىنىن ايتادى. مۇنداي قيمىل «سىزبەن كەلىسەتىنىمە سەنىمدى ەمەسپىن» دەگەندى بىلدىرەدى. ال ادام كەلىسەتىنىن ايتقىسى كەلسە، بۇل قاتتى بىلىنەدى.

كوزگە تىكە قاراماۋ

كوز - جاننىڭ ايناسى. ادام تىكتەپ قاراماسا، ول بىرنارسەنى جاسىراتىنىن نەمەسە وزىنە سەنىمدى ەمەس ەكەنىن بىلدىرەدى. «زاكونى ۆليانيا» كىتابىندا سيۋزان ۆاينشەنك كوزگە تىكە قاراۋعا كەڭەس بەرەدى.

«جانىڭىزداعى ادامنىڭ كوزىنە تىك قاراڭىز. ءبىراق ەسىڭىزدە بولسىن، كەيدە كوز الماي قاراۋ ءقاۋىپ رەتىندە تۇسىندىرىلەدى. كوز جانارىڭىز جان- جاققا قاراسا، قوبالجىعانىڭىزدى نەمەسە وتىرىك ايتاتىنىڭىزدى كورسەتەدى. ەرنىڭىزدى تىستەسەڭىز، قاسىڭىزداعى ادام وزىڭىزگە سەنىمدى ەمەس ەكەنىڭىزدى تۇسىنەدى»، - دەپ جازادى اۆتور.

اۋىزدى ساۋساقپەن نەمەسە الاقانمەن جابۋ

بۇل قيمىل سويلەپ وتىرعان ادام مالىمدەمەدەن باس تارتقىسى نەمەسە الاڭداعانىن جاسىرعىسى كەلەتىنىن بىلدىرەدى. وسى قيمىلدىڭ تابيعاتىن ءتۇسىندىرۋدىڭ ءبىرى - جامان وي مي بولىكتەرىنە ەنگەن كەزدە ءتۇپسانا قولمەن اۋىزدى جابۋعا يتەرمەلەيدى.

اياقتى دىرىلدەتۋ

ءوز- وزىنە سەنىمسىزدىكتىڭ تاعى ءبىر بەلگىسى - جۇيكە قوزعالىسى. بۇل تۋرالى «زاكونى ۆليانيا» كىتابىندا ايتىلعان. ادام مازاسىزدانعان كەزدە ءوزىنىڭ قيمىلدارىن باسقارا المايدى. بۇعان اياق دىرىلدەتۋ، ساۋساقپەن ۇستەلدى تىقىلداتۋ، تىرناقتى تىستەۋ، شاشتى ءجيى تۇزەتۋ جانە باسقا دا قيمىلدار جاتادى.

قولدى ايقاستىرۋ

بۇل قيمىل ادامعا ءوزىن قاۋىپسىز سەزىنۋگە كومەكتەسەدى، ءبىراق باسقالار ءۇشىن ول ءوز- وزىنە سەنىمسىزدىك بەلگىسى سانالادى. سونداي- اق، ادام اڭگىمە باستاماس بۇرىن كەز كەلگەن زاتتى (شىنىاياق، قالام، سومكە باۋى) الۋعا تىرىسادى.

massaget.kz