ۆيتسە- پرەمەر ءومىرزاق شوكەيەۆتىڭ وتستاۆكا تۋرالى وتىنىشىنە پىكىر ءبىلدىردى

«ءومىرزاق ەستاي ۇلى تاجىريبەلى باسشى، ۇزاق ۋاقىت بويى مەملەكەتتىك قىزمەتتىڭ ءتۇرلى قۇرىلىمدارىن باسقارىپ كەلدى. ونى راسىندا دا ماڭىزدى ساياسي تۇلعا دەپ اتاۋعا بولادى»، - دەدى رومان سكليار ۇكىمەت كۋلۋارىندا تىلشىلەرگە بەرگەن سۇحباتىندا.

ۆيتسە- پرەمەر ءومىرزاق شوكەيەۆتىڭ قابىلداعان شەشىمىن وتە دۇرىس جانە زاڭدى دەپ اتادى.

«مەملەكەتتىك قىزمەت تۋرالى زاڭدا قاراماعىنداعى قىزمەتكەردىڭ كىناسى دالەلدەنگەن جاعدايدا تىكەلەي باسشىنىڭ وتستاۆكاعا كەتۋ تۋرالى ءوتىنىش بەرەتىنى جازىلعان، ونى جوعارى تۇرعان باسشى قابىلدايدى نەمەسە كەرى قايتارادى. سوندىقتان ءومىرزاق شوكەيەۆتىڭ ارەكەتى وتە قيسىندى جانە دۇرىس»، - دەدى رومان سكليار.

ەسكە سالا كەتسەك، كەشە تۇركىستان وبلىسىنىڭ اكىمى ءومىرزاق شوكەيەۆ وتستاۆكاعا ءوتىنىش بەردى.

ورتالىق كوممۋنيكاتسيالار قىزمەتىندە وتكەن بريفينگىدە ءومىرزاق شوكەيەۆ «كەنتاۋ اكىمىنىڭ قىلمىسى دالەلدەنسە، وتستاۆكاعا كەتۋگە دايىنمىن» دەگەن بولاتىن.

23- اقپاندا كەنتاۋ قالاسىنىڭ اكىمى اسا ءىرى كولەمدە پارا الدى دەگەن كۇدىككە ءىلىندى. ءوزىنىڭ سەنىمدى تۇلعالارى ارقىلى مەملەكەتتىك- جەكەمەنشىك ارىپتەستىك اياسىندا قالاداعى اۆتوكولىك جولدارىن جوندەۋمەن اينالىساتىن سەرىكتەستىك ديرەكتورىنان 98500 ا ق ش دوللارىن (42 ميلليون 500 مىڭ تەڭگە) الدى دەگەن ايىپپەن 10 جىلعا سوتتالعان بولاتىن. الدىڭعى كۇنى الماتى قالالىق سوتى سوتتالۋشىنىڭ اپەللياتسيالىق شاعىمىن قاراپ، ونى قاناعاتتاندىرمادى.

اۆتور

ايجان سەرىكجان قىزى