بىرنەشە ەسە قىمبات. رەسەيلىك بلوگەر الماتى مەن ماسكەۋدەگى تاكسي قىزمەتىن سالىستىردى

بلوگەردىڭ ايتۋىنشا، رەسەي استاناسىندا تاكسي باعاسى قازاقستانعا قاراعاندا 7 ەسە قىمبات. كۋرچانوۆ الماتى مەن ماسكەۋگە جاساعان ساپارلارىنىڭ بىرىنە مىسال كەلتىرگەن.

«كەشە دوسىما باردىم، 45 مينۋت ءجۇرۋىم كەرەك ەدى. وسى ساپارعا 1800 تەڭگە تولەدىم، بۇل - 250 رۋبل. ماسكەۋدە پاتەردەن اۋەجايعا دەيىن شامامەن وسىنداي قاشىققا 45 مينۋت ءجۇرىپ، كەم دەگەندە 1800 رۋبل تولەدىم»، - دەيدى كۋرچانوۆ.

بلوگەر وتاندىق تاكسي جۇرگىزۋشىلەرىنە دە تاڭعالعان. ونىڭ سوزىنشە، رەسەيلىك تاكسي جۇرگىزۋشىلەرى كوپشىل ەمەس. ءبىراق قازاقستاندىق جۇرگىزۋشىلەر تۋرالى بۇلاي ايتا المايسىڭ. ەۆگەني كۋرچانوۆ كورگەن ەڭ سوڭعى ايىرماشىلىق - تاكسي تاريفتەرى ايىرماشىلىعى.

«مۇندا « بيزنەس ساناتىنا « تاپسىرىس بەرسەڭ، Toyota Camry كەلەدى. ال رەسەيدە Maybach كەلەدى. ءبىراق بۇل تاريفتەرگە بىرنەشە ەسە قىمبات تولەيسىڭ، سوندىقتان ءبارى ءادىل دەپ ويلايمىن»، - دەپ قورىتىندىلادى رەسەيلىك بلوگەر.

ەسكە سالايىق، 24 جاستاعى رەسەيلىك بلوگەر ەۆگەني كۋرچانوۆ 4 اي بۇرىن ماسكەۋدەن الماتىعا كوشىپ كەلگەن. جىگىت قازاقستاندا ءتىل ۇيرەتەتىن مەكتەپ اشقان. ول ەلىمىزدىڭ ءار وڭىرىنە ساياحاتتاپ، العان اسەرىن بولىسەدى.

massaget.kz