كوكشەتاۋدا قوپا كولىنە باتىپ بارا جاتقان ەر ادام قۇتقارىلدى

وبلىستىق توتەنشە جاعدايلار دەپارتامەنتىنىڭ مالىمەتىنشە، كەشە كەشكى ساعات 21.00 شاماسىندا كوكشەتاۋ قالاسى جەدەل- قۇتقارۋ جاساعىنىڭ قىزمەتكەرلەرى ماس كۇيىندە شومىلىپ جۇرگەن ادامدى قۇتقارعان.

ول جاعادان 10 مەترگە دەيىن الىستاپ كەتكەن ەكەن.

№1 قۇتقارۋ بولىمشەسىنىڭ باسشىسى ماۋلەن جولدىعۇلوۆ، باس قۇتقارۋشىلار قازبەك ىسقاقوۆ پەن دارحان اسقار ۇلى ۋاقىت جوعالتپاي دەرەۋ سۋعا باتقان ادامدى جاعالاۋعا شىعارۋعا كىرىسكەن.

قۇتقارىلعان ەر ادام مەديتسينالىق كومەكتى قاجەت ەتپەدى.

اقمولا وبلىسىنىڭ ت ج د وبلىس تۇرعىندارى مەن قوناقتارىنا سۋداعى قاۋىپسىزدىك ەرەجەلەرىن ساقتاۋ قاجەتتىگىن ەسكەرتەدى.

«سۋدا نەمەسە جاعالاۋدا، سۋدا ءجۇزۋ كەزىندە سپيرتتىك ىشىمدىك ىشۋدەن اۋلاق بولىڭىز. الكوگول تەپە- تەڭدىك سەزىمىن، قوزعالىستى ۇيلەستىرۋدى جانە ءوزىن- ءوزى باقىلاۋدى ناشارلاتادى» دەپ ەسكەرتەدى قۇتقارۋشىلار.