جۋرناليستەردىڭ «بولاشاق» ارقىلى شەتەلدە تاعىلىمدامادان وتەتىن مەرزىمى بەلگىلى بولدى

نۇر-سۇلتان. قازاقپارات - جۋرناليستەر «بولاشاق» باعدارلاماسى ارقىلى تاعىلىمدامادان شەتەلدە ءوتۋ ءۇشىن كەز كەلگەن ۇيىمدى ۇسىنا الادى.

بۇل تۋرالى «حالىقارالىق باعدارلامالار ورتالىعى» ا ق كونكۋرستىق راسىمدەردى ۇيىمداستىرۋ باسقارماسىنىڭ باس مەنەدجەرى گۇلزات اسانبايەۆا ايتتى، دەپ حابارلايدى قازاقپارات ءتىلشىسى.

وسى ورايدا ول تاعىلىمدامادان ءوتۋ ءۇشىن شەتەلدەگى جوعارى وقۋ ورنى مەن ۇيىمداردى قالاي تاڭداۋ كەرەك ەكەنىن ءتۇسىندىردى.

«ءبىزدىڭ سايتتا بەكىتىلگەن شەتەل جوعارى وقۋ ورىندارىنىڭ ءتىزىمى بار. بۇل رەتتە تىزىمدەگى وقۋ ورىندارىن تاڭداي الاسىزدار. سونىمەن قاتار، الەمدە تانىمال عىلىمي ۇيىمداردى، سالالىق ۇيىمداردىڭ اراسىنان وزدەرىڭىز قاراستىرۋعا بولادى. تاعىلىمداماعا قاتىستى ءوز سالاڭىزعا قاتىستى كەز كەلگەن ۇيىمدى ۇسىنۋ مۇمكىندىگى بار»، - دەدى گ. اسانبايەۆا.

ونىڭ ايتۋىنشا، قازاقستاندا قىزمەت ەتىپ جۇرگەن ءتىلشىنى شەتەلدەگى وقۋ ورنى تاعىلىمدامادان وتۋگە شاقىرتسا، ءار شاقىرتۋدى حالىقارالىق باعدارلامالار ورتالىعى قاراپ شىعادى.

«ءار شاقىرتۋ مەن قۇجاتتى مەنەدجەرلەر ەگجەي-تەگجەيلى قاراپ شىعادى. بۇل تۇرعىدا جاۋاپتى ەكى كۇننىڭ ىشىندە بەرەمىز»، - دەدى ورتالىق وكىلى.

ونىڭ سوزىنە قاراعاندا، شەتەلدە تاعىلىمدامادان ءوتۋدىڭ ەڭ ۇزاق مەرزىمى 12 اي، ال قىسقا مەرزىمى ءبىر اي بولادى.

بۇدان بۇرىن حابارلانعانداي، «بولاشاق» باعدارلاماسى بويىنشا جۋرناليستەر، رەجيسەرلەر، وپەراتورلار، گرافيستەر الەمنىڭ جەتەكشى شەتەلدىك ۇيىمدارى مەن ج و و- لارىندا «وپەراتورلىق ونەر»، «رەجيسسۋرا»، «جۋرناليستيكا»، «ۆيزۋالدى اسەرلەر. 3d انيماتسيا» جانە ت. ب. ماماندىقتار بويىنشا بىلىكتىلىگىن ارتتىرۋعا مۇمكىندىگى بار.

تاعىلىمدامادان وتەتىن ب ا ق وكىلدەرىنىڭ شەتەلدەگى شىعىندارى وتەلەدى. سونىمەن قاتار ۇمىتكەرلەر كەپىلگە مۇلىك ۇسىنبايدى.