تۇركىستان وبلىسىنىڭ اكىمى ءومىرزاق شوكەيەۆ وتستاۆكاعا ءوتىنىش بەردى

تۇركىستان. قازاقپارات - تۇركىستان وبلىسىنىڭ اكىمى ءومىرزاق شوكەيەۆ وتستاۆكاعا ءوتىنىش بەردى، دەپ حابارلايدى قازاقپارات.

ايتا كەتەيىك، ورتالىق كوممۋنيكاتسيالار قىزمەتىندە وتكەن بريفينگىدە ءومىرزاق شوكەيەۆ «كەنتاۋ اكىمىنىڭ قىلمىسى دالەلدەنسە، وتستاۆكاعا كەتۋگە دايىنمىن» دەگەن بولاتىن. بۇگىن تۇركىستان وبلىسى اكىمدىگىنىڭ باسپا ءسوز قىزمەتى شوكەيەۆتىڭ وتستاۆكاعا ءوتىنىش بەرگەنىن راستادى.

ال، نەگىزگى شەشىمدى پرەزيدەنت قابىلدايتىن بولادى.

ايتا كەتەيىك، 23- اقپاندا كەنتاۋ قالاسىنىڭ اكىمى اسا ءىرى كولەمدە پارا الدى دەگەن كۇدىككە ىلىنگەن بولاتىن. ءوزىنىڭ سەنىمدى تۇلعالارى ارقىلى مەملەكەتتىك-جەكەمەنشىك ارىپتەستىك اياسىندا قالاداعى اۆتوكولىك جولدارىن جوندەۋمەن اينالىساتىن سەرىكتەستىك ديرەكتورىنان 98500 ا ق ش دوللارىن (42 ميلليون 500 مىڭ تەڭگە) الدى دەگەن ايىپپەن 10 جىلعا سوتتالعان بولاتىن. ال، كەشەگى كۇنى الماتى قالالىق سوتى سوتتالۋشىنىڭ اپەللياتسيالىق شاعىمىن قاراپ، ونى قاناعاتتاندىرۋسىز قالدىردى.

ال، شوكەيەۆ كەنتاۋ اكىمىنىڭ قىلمىسى دالەلدەنسە، وتستاۆكاعا كەتۋگە دايىنمىن، دەگەن بولاتىن.