17:46, 26 - تامىز 2022 | GMT +5
حاكەرلەر ەۋروپالىق قارۋ ءوندىرۋشى كومپانيانىڭ دەرەكتەرىن ۇرلادى
بريۋسسەل. قازاقپارات - ناتو حاكەرلىك توپ ونلاين ساتقان قۇپيا اسكەري قۇجاتتار تۋرالى دەرەكتەردىڭ جاريا بولۋ سالدارىنا باعا بەردى، دەپ حابارلايدى قازاقپارات ءتىلشىسى BBC News-كە سىلتەمە جاساپ.
قىلمىستىق حاكەرلەر ەۋروپانىڭ ءىرى قارۋ- جاراق ءوندىرۋشىسى MBDA Missile Systems كە قاتىسى بار ۇرلانعان قۇجاتتاردى ساتۋدا. حاكەرلەر وزدەرىنىڭ حابارلاندىرۋلارىندا «جابىق اسكەري جوبالاردى ازىرلەۋگە قاتىسقان كومپانيالاردىڭ قىزمەتكەرلەرى تۋرالى قۇپيا اقپارات»، سونداي- اق «جوبالىق قۇجاتتار، سىزبالار، پرەزەنتاتسيالار، بەينە جانە فوتوماتەريالدار، كەلىسىمشارتتار جانە باسقا كومپانيالارمەن حات الماسۋلار» بار ەكەنىن حابارلادى.
ورىس جانە اعىلشىن فورۋمدارى ارقىلى ارەكەت جاسايتىن كيبەرقىلمىسكەرلەر 80 گ ب ۇرلانعان دەرەكتەردى 15 بيتكوينگە ساتقان (شامامەن 21,2 مىڭ دوللار) جانە اقپاراتتى ءبىر ادامعا ساتقانىن مالىمدەدى.
