گەرمانيادا استىق كولەمى ازايادى
استىقتان بولەك كارتوپ، جۇگەرى جانە باسقا دا ءداندى داقىلدار قۋراپ بارادى. سونداي- اق، قانت ءوندىرۋ ءۇشىن پايدالانىلاتىن قىزىلشا سەكىلدى وسىمدىكتەر مۇلدەم وسپەي قالىپ جاتىر. ايتا كەتەيىك، اعىمداعى جىلى ءبىرقاتار ەۋروپا ەلدەرىندە جاۋىن- شاشىن مولشەردەن از تۇسكەن. بۇل اۋىلشارۋاشىلىق سەكتورىنا كەرى اسەرىن تيگىزىپ وتىر. فەرمەرلەر ەندى مالعا ازىق جەتپەيدى دەپ دابىل قاعۋدا.
ەريح گۋسسەن، فەرمەر:
- ادەتتە وسى ۋاقىتتا مىنا جەر كوگالدانىپ، وسىمدىكتەر جايقالىپ تۇرۋشى ەدى. كورىپ وتىرسىزدار قازىر ءبارى قۋراپ بارادى. ەگىن قىركۇيەك، قازان ايىندا ورىلۋ كەرەك. ءبىراق بيىل ءونىم وتە از.
2 مىڭ ادام ەۆاكۋاتسيالاندى
ا ق ش- تىڭ كاليفورنيا شتاتىندا دا جاعداي ءماز ەمەس. ايماقتا ورمان ءورتى ءورشىپ، مىڭداعان ادام ۇيلەرىن تاستاپ، ەۆاكۋاتسيالاندى. لاۋلاعان جالىن قازىر يوسومەتي ۇلتتىق ساياباعىنا قاراي جاقىنداپ كەلەدى.
اپتاپ ىستىق پەن ەكپىندى جەلدەن لاپىلداعان وت قارقىندى تاراپ جاتىر. ءتىلسىز جاۋدى اۋىزدىقتاۋعا 2 مىڭنان استام ءورت سوندىرۋشى مەن قۇتقارۋشى جۇمىلدىرىلعان. بۇدان بولەك، تىكۇشاقتار، اۋىر تەحنيكا تارتىلعان.
www.24.kz
