قازاقستان اۋماعىنا زاڭسىز كىرگەن شەتەلدىك شەكاراشىلارعا وق اتتى

نۇر- سۇلتان. قازاقپارات - قازاقستان شەكاراسىن زاڭسىز كەسىپ وتپەك بولعان شەتەل ازاماتى اسكەري قىزمەتشىلەرگە وق اتقان.

بۇل تۋرالى ۇلتتىق قاۋىپسىزدىك كوميتەتى شەكارا قىزمەتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

«2022 -جىلى 24 - تامىزدا كەشكە ۇ ق ك شەكارا قىزمەتى الماتى وبلىسى بويىنشا دەپارتامەنتىنىڭ شەكاراشىلارى كەگەن اۋدانىنداعى ىلە الاتاۋى جوتاسىنىڭ تاۋلى شاتقالدارىنىڭ بىرىنەن مەملەكەتتىك شەكارانى بۇزىپ وتكەن شەتەل ازاماتىن ۇستادى.

شەكارا ناريادىنىڭ «توقتا» جانە «قۇجاتىڭدى كورسەت» دەگەن تالابىن ەستىگەن شەكارا بۇزۋشى اڭشى قارۋىنان اسكەري قىزمەتشىلەرگە قاراي وق اتىپ، قارسىلىق كورسەتتى جانە ءىزىن سۋىتۋعا تىرىسقان.

ۇستالعان ادامعا قاتىستى قىلمىستىق ءىس قوزعالدى. شەكاراشىلاردىڭ ءومىرى مەن دەنساۋلىعىنا زيان كەلگەن جوق. ولار شەكارانىڭ تاۋلى ۋچاسكەسىن كۇزەتۋ بويىنشا قىزمەتتەرىن جالعاستىرىپ جاتىر»، - دەلىنگەن شەكارا قىزمەتىنىڭ مالىمەتىندە.

شەكارانى زاڭسىز كەسىپ وتپەك بولاعان ازاماتتى ۇستاۋ كەزىندە باتىلدىق تانىتقان اسكەري قىزمەتشىلەردى كوتەرمەلەۋ ماسەلەسى قارالۋدا.

فوتو : gov.kz

اۆتور

ءاليحان اسقار