قازاقستاندىق ايەل گۋگل-داعى جۇمىسىن كورسەتتى
ۆيدەونى جەلىگە zhazira_life ەسىمدى قولدانۋشى جۇكتەگەن. روليك 77 مىڭنان اسا قارالىم جيناعان، سونداي- اق، 600-دەن اسا پىكىر جازىلعان.
ۆيدەودا بۇل كومپانيادا جۇمىس ىستەۋدىڭ ارتىقشىلىقتارى ايتىلعان.
«Google-دا جۇمىس ىستەۋدىڭ ءبىر ارتىقشىلىعى - تەگىن تاماق. مۇندا ءار قاباتتا اسحانالار بار. ۆەگەتەرياندىق، ازيالىق، امەريكالىق، ەۋروپالىق. ارىپتەستەرىڭمەن جينالىستان كەيىن ماسساج ورىندىعىنا وتىرۋعا بولادى. سونداي- اق، ءيتىڭدى دە الا كەلۋگە بولادى. ولارعا ارنالعان ويىنشىقتار بار. كەڭسە سونشالىق ۇلكەن، كەيدە ءتىپتى ساموكاتپەن جۇرۋگە بولادى. بيليارد ويناۋعا بولاتىن ويىن بولمەسى بار. ۇيىقتايتىن بولمە دە بار. مەنىڭ ەڭ سۇيىكتى ورنىم - microkitchen. وندا جەمىس- جيدەك جەۋگە، كوفە جاساۋعا بولادى»، - دەيدى ول.
جازيرانىڭ سوزىنشە، باسىندا ول Doordash كومپانياسىندا جۇمىس ىستەگەن.
«بىلتىر Doordash جانە Google كومپانيالارىنان ۇسىنىس الدىم. باسىندا كوماندام، جۇمىس ىستەيتىن ءونىم ۇناعان سوڭ Doordash-تى تاڭدادىم. ءبىراق ءبىراز ۋاقىت جۇمىس ىستەگەننەن كەيىن جۇمىس پەن انا ءرولىن قاتار الىپ ءجۇرۋ قيىن ەكەنىن ءتۇسىندىم. ويلانىپ، Google-عا بارۋدى ۇيعاردىم. Google كوپ مۇمكىندىك بەرەدى. مىسالى، الەمنىڭ كەز كەلگەن جەرىنەن جۇمىس ىستەي الامىن، قازاقستاننان دا جۇمىس ىستەۋىمە بولادى»، - دەيدى جازيرا.
