مەيرامبەك بەسبايەۆتىڭ بالا كەزىندەگى سۋرەتىنە ەل ءسۇيسىندى

نۇر-سۇلتان. قازاقپارات - «مۋزارت» توبىنىڭ ءانشىسى مەيرامبەك بەسبايەۆ جەلىدە جەكە مۇراعاتىنان فوتو جاريالاپ، قالىڭ كوپشىلىكتى ءتانتى ەتتى.

جەلىدەگىلەر ءارتىستىڭ بالا كۇنگى سۋرەتىنە جىلى لەبىزىن جارىسا بىلدىرگەن.

مەيرامبەك بەسبايەۆ اتالمىش فوتونى Instagram پاراقشاسىندا ءبولىستى. ونەر يەسى بالالىق شاعىن ەسكە الىپ، بۇرىنعى سۋرەتىن جانكۇيەرلەرىنىڭ نازارىنا پاش ەتۋدى ءجون كورگەن. جەلى قولدانۋشىلارى بىردەن ەسترادا جۇلدىزىنا جىلى لەبىزىن ءبىلدىرىپ، ءوز پىكىرلەرىن قالدىردى. «بەيقام بالالىق شاق»، «ونەردىڭ بالاسى»، «ءومىر جاسىڭىز ۇزاق بولسىن. ءسىزدى ماقتان تۇتامىز»، «بالا مەيرامبەك. ءوسىپ ءجۇر، ونە بەر»، «قازاقتىڭ ءبىرتۋار ءانشىسى دەپ بىلەمىن»، «وسى كەزدەن ونەرگە دەگەن ماحابباتىڭىز باستالعان سەكىلدى-اۋ»، - دەپ جازۋدا وقىرماندار.