قازاقستان – ت م د بويىنشا تاكسي باعاسى ەڭ قىمبات ەل
بۇل تۋرالى قازاقپارات Energyprom.kz سايتىنا سىلتەمە جاساپ حابارلايدى.
«قازاقستان تاكسي قىزمەتى ارزان ەلدەردىڭ رەتينگىندە 105 ەلدىڭ ىشىندە 13 ورىندا تۇر. ەلدەگى 1 شاقىرىمعا جەتكىزۋدىڭ ستاندارتتى تاريفى - 0,35 دوللار»، - دەپ جازىلعان اقپاراتتا.
دەگەنمەن، ت م د بويىنشا قازاقستان تاكسي باعاسى ەڭ قىمبات ەلدەردىڭ ءبىرى بولىپ ەسەپتەلەدى. بۇل كورسەتكىش بويىنشا الدا تەك ازەربايجان تۇر. مۇندا ستاندارتتى تاكسي ءتاريفى (1 شاقىرىمعا) - 0,59 دوللار. بەلارۋس پەن وزبەكستاندا تاكسي ءتاريفى 0,2 دوللار، ۋكراينا مەن مولدوۆادا 0,22 دوللار، ارمەنيادا 0,25 دوللار، رەسەي فەدەراتسياسىندا 0,3 دوللار.
تاكسي قىزمەت ەڭ ارزان ەلدەردىڭ ءتىزىمىن پاكىستان (0,19 دوللار) باستاپ تۇر. ال تاكسي باعاسى ەڭ قىمبات ەل - شۆەيتساريا - 4,02 دوللار.
«وڭىرلەر اراسىندا تاكسي قىزمەتىنە قاراعاندى وبلىسى ءجيى جۇگىنگەن (1,08 ميلليارد تەڭگە). سونداي-اق، نۇر-سۇلتان (641,4 ميلليون تەڭگە) مەن الماتى (431,2 ميلليون تەڭگە) تۇرعىندارى تاكسي قىزمەتىن ءجيى پايدالانعان.
شىلدەنىڭ قورىتىندىسى بويىنشا، تاكسي قىزمەتىنىڭ باعاسى ءبىر جىلدا %10,5 قىمباتتاعان. وڭىرلەر اراسىندا تاكسي باعاسى تۇركىستان وبلىسىندا ءبىر جىلدىڭ ىشىندە %28,2، الماتى وبلىسىندا %28,1، اتىراۋ وبلىسىندا %19 قىمباتتاعان»، - دەپ جازادى Energyprom.kz.
