ءبىلىم بەرۋ سالاسىنداعى ەڭ جوعارى جالاقى قاي وڭىرلەردە
«بيىلعى ەكىنشى توقساندا ءبىلىم سالاسىنداعى ورتاشا ايلىق اتاۋلى جالاقى 293,3 مىڭ تەڭگەگە جەتىپ، ءبىر جىل بۇرىنعى دەڭگەيدەن 25,4 پايىزعا جوعارى بولدى»، - دەلىنگەن ranking مالىمەتىندە.
وسى ورايدا ينفلياتسيانى ەسكەرە وتىرىپ، سالاداعى قىزمەتكەرلەردىڭ تاۋار ساتىپ الۋ مۇمكىندىگى 10,1 پايىزعا ءوستى.
سالىستىرمالى تۇردە الىپ قاراساق، ەل بويىنشا ورتاشا اتاۋلى جالاقى 312 مىڭ تەڭگەنى قۇرادى.
وڭىرلەر بويىنشا الىپ قاراعاندا، ءبىلىم سالاسىنداعى جوعارى جالاقىنى ەلورداداعى قىزمەتكەرلەر الىپ ءجۇر. بۇل تۇرعىدا 414 مىڭ تەڭگە سوماسىندا جالاقى تىركەلىپ، بۇل كورسەتكىش ءبىر جىل بۇرىنعى دەڭگەيدەن 18 پايىزعا ارتىق.
نۇر-سۇلتان قالاسىنداعى جالاقى ەل بويىنشا ورتاشا دەڭگەيدەن 41,1 پايىزعا جوعارى. وسى ورايدا ەكىنشى ورىندا الماتى قالاسى (335,7 مىڭ تەڭگە، 26,4 پايىز ءوسىم)، ال ءۇشىنشى ورىندا ماڭعىستاۋ وبلىسى (326,2 مىڭ تەڭگە، 21,7 پايىز ءوسىم) تۇر. 20 ءوڭىردىڭ التاۋىندا عانا سالاداعى جالاقى ەل بويىنشا ورتاشا دەڭگەيدەن جوعارى ەكەنى انىقتالدى.
بيىلدىڭ ەكىنشى توقسانىندا ءبىلىم سالاسىندا قىزمەت ەتىپ جۇرگەندەردىڭ سانى 1,1 ميلليون ادامدى قۇراپ، ءبىر جىل بۇرىنعى كورسەتكىشتەن 1,4 پايىزعا ارتىق بولدى.
وسى ورايدا ەڭ كوپ مامان تۇركىستان وبلىسىندا تىركەلدى، ياعني بۇل وڭىردە 144,5 مىڭ ادام جۇمىس ىستەپ ءجۇر. ءبىر جىلدا ولاردىڭ سانى 1,3 پايىزعا ءوستى. توپ-3 قاتارىنا الماتى (99 مىڭ ادام، پليۋس 2,7 پايىز) مەن الماتى وبلىسى (80,6 مىڭ ادام، مينۋس 37 پايىز) ەندى.
بۇل سالادا قىزمەت ەتىپ جۇرگەندەردىڭ ەڭ از سانى ۇلتىتاۋ وبلىسىندا تىركەلدى، ياعني 14,4 مىڭ ادام قامتىلعان.
