الماتىدا جارىق نەگە ءجيى ءسونىپ قالادى

الماتى. قازاقپارات - المالى اۋداننىڭ نەگىزگى پروبلەمالارىنىڭ ءبىرى - ەلەكترمەن قامتاماسىز ەتۋدىڭ تۇراقسىزدىعى.

جىل باسىنان بەرى ەلەكتر جەلىلەرىندە 240-تان استام اۆاريا بولدى. بۇل تۋرالى اۋدان تۇرعىندارىمەن كەزدەسۋ بارىسىندا ەربولات دوسايەۆ ءمالىم ەتتى، دەپ حابارلايدى قازاقپارات ءتىلشىسى.

شاھار باسشىسىنىڭ سوزىنشە، اۋداندا ەسكى جانە توزعان جەلىلەردىڭ سالدارىنان ەلەكتر كوزدەرى ىستەن شىعىپ، ءجيى اۆاريالار ورىن الادى، اسىرەسە بايتۇرسىنوۆ - اباي - تولە بي - روزىباكيەۆ كوشەلەرىنىڭ بويىندا. بيىل ەلەكتر جەلىلەرىندە 240-تان استام اپات بولدى.

«ەلەكتر ەنەرگياسىمەن جابدىقتاۋدىڭ سەنىمدىلىگىن ارتتىرۋ ءۇشىن 2022-2023 -جىلدارى قالانىڭ ەلەكتر جەلىلەرىن جاڭارتۋ كوزدەلگەن. وسى جوبا اياسىندا اۋدان بويىنشا ەكى جىل ىشىندە رەزەرۆتىك قۋاتتى 10 ك ۆ ت-قا دەيىن ۇلعايتىپ، 156 ك م ەسكىرگەن كابەلدەردى اۋىستىرۋ، سونداي- اق 13 تاراتۋ جانە 195 ترانسفورماتورلىق پودستانتسيانى قايتا جاڭارتۋدى قاراستىرىپ وتىرمىز»، - دەدى ول.

قازىردىڭ وزىندە 55 شاقىرىم كابەل جەلىلەرى اۋىستىرىلدى، 8 تاراتۋ جانە ترانسفورماتورلىق ستانسيا جاڭارتىلدى.

«جىل سوڭىنا دەيىن تاعى 26 ك م جەلىنى اۋىستىرىپ، 2 تاراتۋ جانە 8 ترانسفورماتورلىق پودستانتسيانى قايتا جاڭعىرتامىز. ناتيجەسىندە، 2022 -جىلدىڭ سوڭىندا اۋدانداعى توزعان ەلەكتر جەلىلەرىنىڭ ۇلەسى 70-تەن %56 كە دەيىن ازايادى. جوبا اياقتالعاننان كەيىن كەلەسى جىلى تاعى 75 ك م جەلىنى جاڭارتۋ، 3 تاراتۋ جانە 145 ترانسفورماتورلىق پودستانتسيانى قايتا جاڭارتۋ ەسەبىنەن توزعان جەلىلەردىڭ ۇلەسى %44 كە دەيىن تومەندەيدى»، - دەيدى ەربولات دوسايەۆ.

ايتۋىنشا، وسى شارالاردىڭ بارلىعى المالى اۋدانىنداعى ەلەكتر جەلىلەرىنىڭ جۇمىسىن تۇراقتاندىرۋعا مۇمكىندىك بەرەدى.

«10-قىركۇيەككە دەيىن ەكى ۋچاسكەدە 415 مەتر جىلۋ جەلىلەرىن قايتا جاڭارتۋدى اياقتايمىز، ونىڭ ىشىندە: دوسمۇحامەدوۆ كوشەسىنىڭ بويىمەن قۇرمانعازىدان ابايعا دەيىن ۇزىندىعى 225 مەتر جانە بوگەنباي باتىر - رادوستوۆەتس قيىلىسىنداعى اۋلادا - 190 مەتر»، - دەپ قوستى قالا باسشىسى.