ا ق ش- تا مۇعالىمدەر باس كوتەردى
ولار وقۋ ورنىنىڭ قاۋىپسىز، جىلى جانە ىشتەگى اۋانىڭ تازا بولعانىن تالاپ ەتۋدە. سونداي- اق باعدارلامادا ونەر، مۋزىكا سياقتى پاندەر بولسا دەيدى. نارازىلىق شاراسىنا اتا- انالار دا قوسىلدى.
ەمي پورتيس، اتا- انا:
- مۇعالىمدەر - ەڭبەگى ادال، ناعىز جانكەشتى ادامدار. ولاردى وقۋشىلارىنىڭ اتا- انالارى دا قولدايتىنىن بىلۋگە ءتيىس. سوندىقتان ءبىز دە شەرۋگە قاتىسىپ جاتىرمىز. الايدا قۇزىرلى مەكەمەلەر مەكتەپتەردەگى قاۋىپسىزدىكتى ءتيىستى دەڭگەيدە قامتاماسىز ەتۋى كەرەك.
بۇل جانايقاي بيلىككە ءالى جەتە قويعان جوق. ءبىراق پرەزيدەنت دجو بايدەن اقىلى وقيتىن ستۋدەنتتەردىڭ نەسيەسىن 10 مىڭ دوللارعا قىسقارتۋ جوسپارىن جاريالادى. باستى تالاپ - ستۋدەنت شىققان وتباسىنىڭ جىلدىق تابىسى 125 مىڭ دوللاردان كەم بولۋعا ءتيىس.
دجو بايدەن، ا ق ش پرەزيدەنتى:
- ينفلياتسيا جاعدايىندا ءبىز ناقتى قادامدارعا بارىپ وتىرمىز. قارجىلىق كومەكتى اتى- ءجونى مەن بارلىق مالىمەتى بەلگىلى وتباسىلارعا كورسەتەمىز. الايدا بۇل اقشانى شىعىنداۋ ەمەس، كەرىسىنشە ەكونوميكانى كوتەرۋ امالى. تۇبىندە بۇل شارا جىلدىق بيۋدجەتكە 50 ميلليارد دوللار قۇيۋعا مۇمكىندىك بەرمەك.
ساۋاتسىزدار كوبەيىپ كەلەدى
الەمدى جايلاعان ىندەت پەن ءتۇرلى قاقتىعىستار بالالاردىڭ ءبىلىم الۋىنا ۇلكەن كەدەرگى كەلتىرىپ وتىر. يۋنيسەف مالىمەتى بويىنشا، دۇنيە جۇزىندە ءارىپ تانۋ مەن ماتەماتيكادان ساۋاتسىز بولىپ قالعان جەتكىنشەكتەر سانى 3 ەسە ارتىپ، جالپى ۇلەسى 70 پايىزعا جەتكەن. 2020 -جىلى عانا بۇل كورسەتكىش 57 پايىزدان ارتىق ەمەس ەدى. اسىرەسە افريكا، لاتىن امەريكاسى مەن وڭتۇستىك ازيا ەلدەرىنە قيىن.
