كۇش-جىگەرىڭىزدى، ەنەرگياڭىزدى جۇتاتىن ادەتتەر

نۇر- سۇلتان. قازاقپارات - ادام بالاسى - وتە ءتوزىمدى جاراتىلىس، دەگەنمەن، ءبارىنىڭ شەگى بولادى. كەيبىر ادامدار تۇسكە تامان ءوزىنىڭ بويىنداعى كۇشىن جوعالتا باستايدى.

ال، باسقاسى ۇيقىدان تۇرعاننان- اق ءوزىن ءالسىز سەزىنەدى. ناتيجەسىندە، كۇندەلىكتى شارۋلارعا كۇشىڭىز بەن ۋاقىتىڭىزدى سارپ ەتەسىز. ونىمدىلىك ازايىپ، ادامنىڭ تىڭ دۇنيەنى ويلاۋعا دەگەن قابىلەتى جويىلادى. نەگە؟ شەكتەن تىس جۇمىس جاساپ ءجۇرىپ، ءبىز جابىق شەڭبەرگە قالاي ەنىپ كەتكەنىمىزدى اڭعارماي قالامىز. ودان قالاي شىعۋعا بولادى؟ ءوزىڭىزدىڭ بويىڭىزداعى كۇشىڭىزدى تارتىپ الاتىن ادەتتەردى سارالاپ، وزگە باعىتقا بۇرىلىڭىز.

تىم كوپ ۇيىقتاۋ

ۇيقىسىزدىق دەرتى ادامعا قالاي اسەر ەتەتىنىن بىلەتىن بولارسىز. دەگەنمەن، شەكتەن تىس كوپ ۇيىقتاۋ دا - زيان. پسيحولوگتاردىڭ پايىمداۋىنشا، وياتقىشتاعى تاعى ءبىراز ۇيىقتاۋعا مۇمكىندىك بەرەتىن «snooze» باتىرماسىنىڭ ءوزى جۇيكە- جۇيەسىنە كەرى اسەرىن تيگىزەدى: «بەس مينۋت» دەيسىز دە، دۇرىس ۇيىقتامايسىز ءارى كوڭىل- كۇيىڭىزدى قۇرتاسىز.

تاڭعى استى ىشپەۋ

كەش جاتتىڭىز، ۇيقىڭىزدى قيماي تاعى دا كەش تۇردىڭىز. ال، جۇمىسقا باراتىن ۋاقىت بولسا تاياپ قالدى. شەشىمى - تاڭعى استان باس تارتۋ. تاڭعى استى ۋاقىتىلى ءىشۋ كۇنى بويى بويىڭىزعا ءنار بەرەدى. ودان باس تارقانىڭىز تەك كوڭىل- كۇيىڭىزگە عانا ەمەس، دەنساۋلىعىڭىزعا دا كەرى اسەر ەتەدى.

ۇيالى تەلەفونىڭىزعا كەلگەن حابارلامالار مەن پوچتاڭىزدى ۇنەمى تەكسەرۋ

ءبارىمىز - عالامتورعا تاۋەلدىمىز. ۇيالى تەلەفوندى ءبىر مەزگىل تەكسەرىپ وتىرۋ مىندەتىمىزگە اينالعان. حابارلاما بولماسا ءوزىمىزدى جالعىز سەزىنىپ، ومىردەن « ءتۇڭىلىپ كەتەمىز». بۇل ادەتتەن ارىلىڭىز. الەۋمەتتىك جەلىلەر بويىڭىزداعى ەنەرگيانى جوياتىن ادەتتەردىڭ ىشىندە الەۋمەتتىك جەلىلەر رەكورد ورناتادى.

سەبەبى:

- وزگە پاراقشالارعا قاراپ وتىرىپ، وزىمىزگە بۇيىرماعان نارسەلەردى ساراپتاپ، ومىردەن قالىپ قويعانداي كۇي كەشەمىز.

- لايك پەن پىكىرگە دەگەن تاۋەلدىلىك تۋادى.

- كۇن باتىپ بارا جاتقان كەشكى دالا كورىنىسىنەن، تۇسكى اسىمىز بەن ويىن- ساۋىق كەشىنەن ءلاززات الۋدىڭ ورنىنا، ونى قالاي سۋرەتكە ءتۇسىرىپ، الەۋمەتتىك جەلىگە تاراتۋدى ويلايمىز.

- الەۋمەتتىك جەلىدە ءوزىمىزدىڭ جاڭا نۇسقامىزدى ءوزىمىز جاساپ شىعارۋدى ويلايمىز.

ىشىمدىك قولدانۋ

ىشىمدىكتىڭ زيانى تاڭەرتەڭ بايقالادى. سوندىقتان، شارشاعاندى ۇمىتۋ ءۇشىن ىشىمدىكتىڭ كومەگىنە سۇيەنۋ كۇيزەلىسكە تۇسىرەدى.

كەپتەلىس، كەزەك، كۇتۋ

كوپتەگەن ادامدار ءوز جۇمىستارىن اشۋلى تۇردە باستايدى. ويتكەنى، تاڭەرتەڭگى كەپتەلىس ونىڭ بار ەنەرگياسىن وزىنە تارتىپ الادى. مۇمكىن، بەيتاراپتىلىق تانىتىپ، كۇندەلىكتى قۇبىلىس رەتىندە قابىلداساڭىز، ءومىرىڭىز الدەقايدا جەڭىل بولار ما ەدى؟! ماسەلەلەردىڭ شەشىمىن تاپپاي ويلانۋ، مازاسىزدىق. ۇنەمى وي ۇستىندە ءجۇرىپ، ماسەلەنىڭ شەشىمىن تابا الماي قينالساڭىز، ونىڭ ءبارىن جۇك قىلماي تاستاپ كەتە بەرىڭىز. ۋاقىتى كەلگەندە كەز- كەلگەن نارسەنىڭ ءتۇيىنى شەشىلەدى. ال، وعان دەيىن مازاسىز ويلارىڭىزدى ءتاتتى قيالدارعا الماستىرىڭىز. ناقتى تايم- مەنەدجمەنت ۋاقىتتى ءتيىمدى پايدالانعان دۇرىس- اق. ءبىراق، ولاي ءومىر سۇرەمىن دەپ، باعالى ساتتەرىڭىزدى جوعالتىپ الماڭىز. ادام شيراق قيمىلداي ءبىلۋى كەرەك.

وتىرىك

وتىرىكتىڭ اياعى شيزوفرەنياعا اكەلەتىنىن بىلەسىز بە؟ وتىرىك ايتىپ، كەيىن ءوزىڭىزدى كىنالى سەزىنەسىز. ۇيالاسىز ءارى شىندىقتى ءبىلىپ قويماس پا ەكەن دەپ مازاسىزداناسىز. ال، ول ءسىزدىڭ بار ەنەرگياڭىزدى جۇتىپ الادى. ەگەر اتالعان تىزىمدە وزىڭىزگە ءتان ادەتتەردى بايقاساڭىز، قازىردەن باستاپ كۇرەسىڭىز. بويىڭىزداعى كۇش - ۇزاق ءومىرىڭىزدىڭ كەپىلى.

Massaget.kz