ينتەرنەت الاياقتاردىڭ كوبى اقشانى رەسەيدە تىركەلگەن بانك شوتتارىنا اۋدارادى - پوليتسيا
نۇر-سۇلتان قالاسىنىڭ پوليتسيا دەپارتامەنتىندە وتكەن بريفينگىدە تەرگەۋ باسقارماسىنىڭ اعا تەرگەۋشىسى ريشاد ايتكەنوۆ وسىلاي مالىمدەدى، دەپ حابارلايدى قازاقپارات ءتىلشىسى.
«ينتەرنەت الاياقتىق ىستەرىن تەرگەۋ ناتيجەسىندە ۇرلانعان اقشا كوبىنە شەتەلدىك بانك شوتتارىنا جىبەرىلەتىنىن انىقتادىق. باسىم كوپشىلىگى قاراجاتتى رەسەي فەدەراتسياسىنىڭ اۋماعىندا تىركەلگەن بانك شوتتارىنا اۋدارادى. اقشانى قايتارۋ ءۇشىن ءبىز زاڭنامادا بەلگىلەنگەن تارتىپتەر بويىنشا ءىس-شارالار جۇرگىزىپ جاتىرمىز. قاراجات شەت مەملەكەتتەگى بانك شوتىنا اۋدارىلعان جاعدايدا اككاۋنتتاردى انىقتاۋ ءۇشىن ول ەلگە حات جولدانادى»، - دەپ اتاپ ءوتتى ريشاد ايتكەنوۆ.
ونىڭ دەرەگىنشە، جىل باسىنان بەرى ەلوردادا ينتەرنەت الاياقتىق جاساعانى ءۇشىن 276 ادام قىلمىستىق جاۋاپقا تارتىلعان.
دەگەنمەن تىركەلگەن قىلمىستىق ىستەردىڭ جارتىسىنان استامى اشىلماعان.
