قازاقستان مەن رەسەيدىڭ سىرتقى ىستەر مينيسترلەرى تەلەفون ارقىلى سويلەستى

نۇر-سۇلتان. قازاقپارات - قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆپەن تەلەفون ارقىلى سويلەستى، دەپ حابارلايدى قازاقپارات ق ر سىرتقى ىستەر مينيسترلىگىنىڭ رەسمي سايتىنا سىلتەمە جاساپ.

مينيسترلەر جوعارى جانە اسا جوعارى دەڭگەيدەگى الداعى ءىس-شارالار كەستەسىن، ەكىجاقتى قارىم-قاتىناستاردىڭ جاي-كۇيى مەن پەرسپەكتيۆالارىن، سونداي-اق حالىقارالىق ۇيىمدار شەڭبەرىندەگى ىنتىماقتاستىقتى تالقىلادى.

سونداي-اق، مەملەكەت باسشىلارىنىڭ جاقىندا سوچي قالاسىندا وتكەن كەزدەسۋىندە قول جەتكىزىلگەن ۋاعدالاستىقتاردى ودان ءارى ىسكە اسىرۋ ماسەلەلەرى قاراستىرىلدى.