بالالاردىڭ بولاشاعىنا اقشا جيناۋ ءۇشىن قانداي دەپوزيت اشۋعا بولادى؟

نۇر-سۇلتان. قازاقپارات - بالالار وسكەن سايىن ولاردىڭ قاجەتتىلىكتەرى دە ارتادى.

ولاردى قاجەتتىلىكتەرمەن قامتاماسىز ەتۋگە ۇزاق مەرزىمدى دەپوزيتتەر كومەكتەسەدى. بالانىڭ جارقىن بولاشاعى ءۇشىن دەپوزيتكە قازىردەن باستاپ اقشا جيناي بەرىڭىز. قازاقستانداعى ءتيىمدى بالالار دەپوزيتتەرىن ۇسىنامىز.

قاراپايىم بالالار دەپوزيتى، وتباسى بانك

بالا بۇل دەپوزيت ارقىلى 18 جاستان باستاپ %3,5 دان %5 ارالىعىنداعى جىلدىق مولشەرلەمەمەن تۇرعىن ءۇي زاەمىن الا الادى. 14 جاسقا دەيىنگى بالانىڭ اتىنا دەپوزيتتى تەك ەرەسەك ادامدار اشا الادى. 14 جاستان باستاپ بالا وتباسى بانكىنەن دەپوزيتتى ءوز بەتىنشە اشا الادى، ءبىراق اتا-اناسىنىڭ كەلىسىمى قاجەت. بالالار دەپوزيتى وتباسى بانكى دەپوزيتتەرىنىڭ بارلىق ارتىقشىلىقتارىنا يە. مىسالى، وعان %2 كولەمىندەگى بانك سىياقىسى مەن ءبىر جىل ىشىندە جينالعان سومانىڭ %20 نا تەڭ مەملەكەتتىك سىيلىقاقى اۋدارىلادى. سونداي-اق بالاعا اشىلعان دەپوزيت «وتباسىلىق پاكەتتىڭ» ءبىر بولىگى بولا الادى. ونىڭ ءوز ارتىقشىلىقتارى بار.

«ارناۋ» دەپوزيتى، وتباسى بانك

«ارناۋ» دەپوزيتىن بالاڭىز تۋىلعاننان باستاپ اشا الاسىز. ونى اشۋ ءۇشىن قولىڭىزدا بالانىڭ تۋۋ تۋرالى كۋالىگى جانە ءوزىڭىزدىڭ جەكە كۋالىگىڭىز بولسا بولعانى. «ارناۋ» دەپوزيتىندە شارت سوماسىنىڭ %50 ىن كەم دەگەندە 10 جىل بويى جيناپ، 48 ۇپايعا تەڭ باعالاۋ كورسەتكىشىنە (ب ك) قول جەتكىزسەڭىز، دەپوزيت يەگەرى تۇرعىن ءۇي ساتىپ الۋ ءۇشىن %2 جىلدىق مولشەرلەمەمەن تۇرعىن ءۇي زاەمىن راسىمدەي الادى. دەپوزيتكە اقشانى بالانىڭ اكە-شەشەسى عانا ەمەس، اتا-اجەسى، اعا-اپكەلەرى دە سالا الادى.

«Dream» دەپوزيتى، RBK بانكى

«Dream» دەپوزيتىن اشۋ ءۇشىن بانك بولىمشەسىنە بارۋ كەرەك. قولىڭىزدا ءوزىڭىزدىڭ جەكە كۋالىگىڭىز بەن بالانىڭ تۋۋ تۋرالى كۋالىگى بولۋى كەرەك. دەپوزيتتى اشۋعا قاجەتتى مينيمالدى سوما — 15 مىڭ تەڭگە. اقشانى 12,24 نەمەسە 36 اي جيناي الاسىز. جىلدىق ءتيمدى مولشەرلەمە — %13,5 عا دەيىن.

«Aqyl» دەپوزيتى

بۇل دەپوزيتتەگى جيناقپەن قازاقتانداعى جوعار وقۋ ورنىندارىنداعى نەمەسە كوللەدجدەردەگى وقۋدى، سونداي-اق شەتەلدەگى كەز كەلگەن ءبىلىم الۋ ءتۇرىن تولەۋگە بولادى. مينيمالدى باستاپقى جارنا - 3 ا ە ك (2022-جىلى — 9189 تەڭگە). جيناقتاۋ مەرزىمى 3 جىلدان 20 جىلعا دەيىن. ونى اشۋ ءۇشىن اتا-انانىڭ جەكە كۋالىگى مەن بالانىڭ تۋۋ تۋرالى كۋالىگى قاجەت. ەگەر بالاڭىز گرانتقا تۇسسە، ول دەپوزيتتەن جيناقتى الا الاسىز، اقشانى باسقا بالانىڭ اتىنا اۋدارا الاسىز نەمەسە ءبىلىمنىڭ باسقا دەڭگەيلەرىن الۋ ءۇشىن جيناقتاۋدى جالعاستىرا بەرەسىز. بۇل دەپوزيتتى nurbank, vtb, halykbank سەكىلدى بانكتەردەن اشا الاسىز.

massaget.kz