تۇركيانىڭ سيرياداعى وپەراتسيالارى قارقىندى ءجۇرىپ جاتىر

ونىڭ ايتۋىنشا، الداعى ۋاقىتتا اسكەري ارەكەت، ۋاقىتى كەلگەندە جۇزەگە اسپاق. بۇعان قاجەت بارلىق دايىندىق قارقىندى جۇرگىزىلىپ جاتىر.

حۋلۋسي اكار، تۇركيانىڭ قورعانىس ءمينيسترى:

- ەلىمىز بەن شەكارامىزدىڭ قاۋىپسىزدىگى ءۇشىن حالىقارالىق قۇقىق جانە ءوزىن- ءوزى قورعاۋ تۇرعىسىنان اسكەري وپەراتسيا جاساۋ تۇركيانىڭ قۇقىعى. بۇل تۇرعىدا نە قاجەت بولسا، سونى جاسادىق جانە بولاشاقتا دا جالعاستىرامىز. ەلىمىزدىڭ قۇقىعى مەن مۇددەسىن قورعاۋدى تاباندى تۇردە جالعاستىرامىز. ءبىزدىڭ ءبىر عانا ماقساتىمىز - لاڭكەستىك ۇيىمداردى تىزە بۇكتىرۋ.

ال، ەلدە سيريالىق بوسقىندارعا تۇرىك ازاماتتىعىنىڭ بەرىلۋىنە قاتىستى داۋ شىقتى. وپپوزيتسيالىق «جەڭىس» پارياسى، ۇكىمەتتى ايىپتاپ قازىرگە دەيىن 1,4 ميلليوننان استام سيريالىققا ازاماتتىق بەرىلگەنىن العا تارتتى.

ءۇميت ءوزداع، «جەڭىس» پارتياسىنىڭ ءتوراعاسى:

- 22-شىلدە 2022 -جىلىنان دەيىن 1,4 ميلليون سيريالىق تۇرىك ازاماتتىعىن الدى. سونداي- اق، 64 مىڭ 540 يراك، 37 مىڭ 813 اۋعان، 56 مىڭ 585 يران، 13 مىڭ 327 پاكىستاندىققا دا تۇركيا رەسپۋبليكاسىنىڭ ازاماتتىعى بەرىلگەن.

دەگەنمەن ىشكى ىستەر ءمينيسترىنىڭ سوزىنشە، ەلدەگى 211 مىڭ سيريالىققا تۇرىك ازاماتتىعى بەرىلگەن. ونىڭ 120 مىڭى عانا كەلەر جىلى وتەتىن سايلاۋعا قاتىسا الادى.

ايتا كەتەيىك، تۇركيا بوسقىندارعا پانا بولعان ەلدەردىڭ كوشىن باستاپ تۇر. رەسمي مالىمەت بويىنشا انادولى جەرىندە بۇگىندە 3,7 ميلليون سيريالىق بوسقىن ءومىر ءسۇرىپ جاتىر.

اۆتورى: مەرۋەرت كاناگات

www.24.kz