ەڭ جاس ۇشقىش الەمگە ساياحاتىن اياقتادى

نۇر-سۇلتان. قازاقپارات - بەلگيالىق مايك رۋتەرفورد الەمدەگى ەڭ جاس ۇشقىش بولدى، - دەپ حابارلايدى بولگار ۇلتتىق راديوسى (BNR) .

ماكانىڭ ساياحاتى 23-ناۋرىزدا بولگاريانىڭ باتىسىنداعى كوندوفرەي اۋىلىنىڭ ماڭىنداعى اۋەجايدان باستالىپ، سارسەنبى تۇستەن كەيىن سول جەردە اياقتالدى. ول 16 جاسىندا ۇشىپ، جولدا 17-شى تۋعان كۇنىن اتاپ ءوتتى.

بەس ايدىڭ ىشىندە ول بەس قۇرلىقتاعى 52 ەلدى اينالىپ، ەكۆاتوردان ەكى رەت ءوتتى. باستاپقىدا ساپار ءۇش ايعا سوزىلادى دەپ جوسپارلانعان بولاتىن، ءبىراق قۇمدى داۋىلدار، مۋسسون جاڭبىرلارى مەن قاتتى ىستىقتىڭ سالدارىنان ساپاردى بەس ايعا سوزۋ تۋرالى شەشىم قابىلداندى.

ۇشقىشتىڭ ۇلكەن اپكەسى 19 جاستاعى زارا رۋتەرفورد 2021 -جىلدىڭ كۇزىندە ۋلترا جەڭىل ۇشاقپەن الەم بويىنشا ساياحاتتاعان ەڭ جاس ايەل ۇشقىش بولدى.

رۋتەرفوردتىڭ جەتىستىگى گيننەستىڭ رەكوردتار كىتابىنا ەنگىزىلەدى دەپ كۇتىلۋدە.