تۇركيادا دەمالىس ماۋسىمىنىڭ جابىلۋ كۇنى اتالدى

نۇر-سۇلتان. قازاقپارات - تۇركياداعى بودرۋم كۋرورتتىق قالاسى (مۋگلا پروۆينتسياسى) تۋريستىك ماۋسىمدى ۇزارتۋعا نيەتتى.

ونىڭ اياقتالۋ كۇنىن بودرۋم قوناقۇيلەرىنىڭ قاۋىمداستىعى اتادى، - دەپ حابارلادى Türkiye Telegram-كانالى.

«ماۋسىمدى 28-قازاندا اياقتاۋ جوسپارلانعان بولاتىن. بۇل ۋاقىتتا كوپتەگەن قوناق ءۇي جابىلىپ، رەيستەر سانى ازايادى. ءبىراق ۇلكەن سۇرانىسقا بايلانىستى تۋريستىك ماۋسىمدى 15-قاراشاعا دەيىن ۇزارتۋ تۋرالى شەشىم قابىلداندى»، - دەدى قاۋىمداستىق وكىلدەرى.

سونداي-اق، ولار قازىرگى ۋاقىتتا چارتەرلىك باعدارلامالاردىڭ كوپشىلىگىن قاراشانىڭ ورتاسىنا دەيىن ۇزارتۋ تۋرالى كەلىسسوزدەر ءجۇرىپ جاتقانىن ايتتى.

«ءبىز ازىرگە 15-قاراشاعا توقتادىق. ءبىراق بۇل مەرزىمدى قاراشانىڭ سوڭىنا دەيىن ۇزارتۋعا بولادى. بودرۋمدا وسى ۋاقىتتا اۋا رايى وتە ىڭعايلى»، - دەپ اتاپ ءوتتى دەپارتامەنت وكىلدەرى.