وسكەمەندە ەرتىس سۋى ءتۇسىنىڭ وزگەرۋىنە بايلانىستى تەكسەرۋ باستالدى
كەشەلى بەرى بۇقارالىق اقپارات قۇرالدارىندا جانە الەۋمەتتىك جەلىلەردە وسكەمەندەگى ەرتىس سۋى ءتۇسىنىڭ وزگەرگەنى جايلى تۇسىرىلگەن ۆيدەو تاراتادى. ۆيدەو اۆتورى عاشىقتار اللەياسى تۇسىنداعى ەرتىس ارناسى سۋىنىڭ اعارىپ كەتكەنىن كورسەتىپ، ودان جاعىمسىز ءيىس شىعىپ تۇرعانىن ايتادى.
وسىعان وراي قازاقپارات ءتىلشىسى شىعىس قازاقستان وبلىستىق ەكولوگيا دەپارتامەنتىنە حابارلاسىپ كوردى.
«اتالعان فاكتى بويىنشا دەپارتامەنت ماماندارى سول جەرگە بارىپ، سۋدان سىناما الدى. قازىرگى ۋاقىتتا ساراپتاما جۇمىستارى جۇرگىزىلىپ جاتىر. سۋدىڭ ءتۇسى نەدەن وزگەرىپ كەتكەنى ساراپتاما ناتيجەسىنەن كەيىن بەلگىلى بولادى»، - دەدى دەپارتامەنتتىڭ باسپا ءسوز حاتشىسى ولگا ەلچينسكايا.
ەسكە سالساق، وسىعان دەيىن ش ق و- دا ەكولوگتار تۇرعىندار نارازىلىعىن تۋعىزعان شوشقا فەرماسىن تەكسەرگەنىن حابارلاعان ەدىك.
اۆتور
تالعاتجان مۇحامەتبەك ۇلى
