قازاقستاندا وتكەن ايدا قاي كولىك ماركالارى كوبىرەك ساتىلدى

قازاقستاندا بيىلعى شىلدە ايىندا 11,6 مىڭ جەڭىل كولىك پەن جەڭىل كوممەرتسيالىق تەحنيكا ساتىلعان. بۇل رەتتە 2021 -جىلعى شىلدەمەن سالىستىرعاندا 9,1 پايىزعا ارتتى.

قازاقستاندا شىلدەدە ساتىلعان جاڭا كولىك سانى بويىنشا Chevrolet ماركاسى كوش باستادى. 4 مىڭ اۆتوموبيل وتكىزىلىپ، 2021 -جىلعى وسى كەزەڭمەن سالىستىرعاندا 29,4 پايىزعا ءوستى.

ودان كەيىنگى ورىندا 2,6 مىڭ كولىگى ساتىلعان Hyundai ( 29,6% ءوستى) تۇر. وسى ۇشتىكتىڭ قۇرامىنا Kia ماركاسى دا ەنگەن، 1,4 مىڭ جاڭا اۆتوموبيل وتكىزىلدى.

توپ-5 اراسىندا Toyota (903 اۆتوكولىك، بىلتىرعا قاراعاندا % 24,7 از) جانە Lada (675 اۆتوكولىك، % 30,3 ارتىق) بار.

LMC Automotive مالىمەتىنشە، بيىل شىلدەدە الەم بويىنشا جەڭىل كولىك پەن جەڭىل كوممەرتسيالىق تەحنيكانىڭ ساتىلىمى 6,9 ميلليونعا جەتكەن. بۇل كورسەتكىش 2021 -جىلعى شىلدە ايىنا قاراعاندا 5,8 پايىزعا كوپ. وسى ورايدا نەگىزگى ءوسىم قىتايعا تيەسىلى بولدى. بۇل ەلدىڭ ۇلەسىندە ساتىلىمنىڭ ۇشتەن ءبىر بولىگى قامتىلدى، ياعني شىلدەدە 2,5 ميلليونعا جۋىق جەڭىل كولىك پەن جەڭىل كوممەرتسيالىق تەحنيكا وتكىزىلدى.

ودان كەيىنگى ورىندا تۇرعان ا ق ش- تا 1,1 ميلليون جاڭا اۆتوموبيل ساتىلدى. دەگەنمەن 2021 -جىلعى شىلدەمەن سالىستىرعاندا بۇل كورسەتكىش 11,6 پايىزعا از بولدى.

ال باتىس ەۋروپاداعى جاڭا كولىكتەردى ساۋدالاۋ دەڭگەيى 8,9 پايىزعا ازايعان، شىلدە ايىنداعى كورسەتكىش - 910,1 مىڭ كولىك.

اۆتوموبيل وندىرىسىندە بولشەكتەردىڭ تاپشىلىعى جاڭا كولىكتەردى جەتكىزۋ كولەمىن قالپىنا كەلتىرۋگە توسقاۋىل بولىپ تۇر.

ەۋروپا بيزنەسى قاۋىمداستىعىنىڭ مالىمەتىنشە، 2022 -جىلدىڭ شىلدەسىندە رەسەيدە جەڭىل كولىك پەن جەڭىل كوممەرتسيالىق تەحنيكانىڭ ساتىلىمى 32,4 مىڭدى قۇراپ، بۇل كورسەتكىش بىلتىرعى سايكەس كەزەڭگە قاراعاندا 74,9 پايىزعا از بولدى. ال بەلارۋستە وسى كورسەتكىش بىردەن 79,4 پايىزعا، 837 اۆتوكولىككە دەيىن تومەندەدى.